ស្រីលង្កា៖ បន្ទាប់ពីលោកម៉ាហិនដា រ៉ាយ៉ាប៉ាសេ បាត់បង់អំណាចដោយសារការចាញ់ឆ្នោត ក្នុងការបោះឆ្នោត ប្រធានាធិបតីកាលពីថ្ងៃ ៨មករាឆ្នាំ២០១៥ អតីតមន្ត្រីជាន់ខ្ពស់ស្និទ្ធ មេដឹកនាំរូបនេះ ជាច្រើននាក់ ត្រូវបានចាប់ខ្លួន ក្នុងនោះ មានកូនបង្កើត ប្អូននៗ ជាច្រើននាក់ ក៏ត្រូវបានចាប់ឃុំខ្លួន និងចោទប្រកាន់ពីបទពុករលួយ លាងលុយ កង្វក់និងឧក្រិដ្ឋកម្មនយោបាយ។
តាមបណ្ដាញផ្សាយព័ត៌មាន BBC លោក Gotabhaya Rajapaksa ជាប្អូនបង្កើតរបស់លោក ម្នាក់ទៀត ត្រូវបានចាប់ខ្លួន ក្រោមបទចោទ រត់ពន្ធអាវុធ ដោយខុសច្បាប់។ គណៈកម្មាការប្រឆាំងអំពើពុករលួយរបស់ប្រទេសនេះ បានរកឃើញលុយ ខុសច្បាប់របស់លោក ជាង៧៥លានដុល្លារ។
លោក Gotabhaya Rajapaksa ធ្លាប់កាន់តំណែងជារដ្ឋមន្ត្រីការពារជាតិ ក្នុងអំឡុងបងបង្កើតរបស់លោក គឺលោក ម៉ាហិនដា ជាប្រធានាធិបតី។
កាលពីខែមុន កូនប្រុស២នាក់ និងប្អូនប្រុសរបស់លោក ម៉ាហិនដា គឺលោក Namal ,Yoshitha និង ប្អូនប្រុស Basil ត្រូវបានចោទប្រកាន់ ករណីលាងលុយ កង្វក់រាប់រយលានដុល្លារ និងខ្លះករណីឃាតកម្មនយោបាយ និងការរំលោភសិទ្ធិមនុស្ស។
តាមការស្រាវជ្រាវមួយរបស់គណៈកម្មាការប្រឆាំងអំពើពុករលួយ យ៉ាងហោចណាស់ គ្រួសារលោក ម៉ាហិនដា មានប្រាក់ ជាង ១៥០០លានដុលា្លរអាមេរិក។ ប្រាក់ទាំងនេះគេហៅថា បានមកពីអំពើពុករលួយ ហើយប្រាក់ភាគច្រើនលាក់ទុក នៅធនាគារបរទេស៕ ប្រភព: BBC
