ម៉ូស្គូ៖ ប្រព័ន្ធផ្សព្វផ្សាយក្នុងស្រុកបានរាយការណ៍កាលពីថ្ងៃសៅរ៍ទី ២៧ សីហាមកថា យ៉ាងតិចណាស់មានមនុស្ស ១៦ នាក់ ដែលសុទ្ធសឹងជាជនជាតិ Kyrgyz ទាំងអស់បានស្លាប់ និងបួននាក់ផ្សេងទៀតបានរងរបួស ក្នុងអគ្គិភ័យឆេះឃ្លាំងផ្ទុកទំនិញមួយនៅភាគឦសានទីក្រុងម៉ូស្គូ។
ទីភ្នាក់ងារព័ត៌មាន RIA Novosti បានស្រង់សម្តីពីប្រភពសុំមិនបញ្ចេញឈ្មោះបានបញ្ជាក់ថា អ្នករងរបួសទាំងនោះ ត្រូវបានបញ្ជូនទៅកាន់មន្ទីរពេទ្យ ហើយមនុស្ស ១២ នាក់ផ្សេងទៀតកំពុងត្រូវបានជួយសង្គ្រោះ។
ទីភ្នាក់ងារ Interfax បានដកស្រង់សម្តីក្រុមមន្ត្រីក្នុងតំបន់មកថា អគ្គិភ័យនេះត្រូវបានបង្កឡើងដោយការបាញ់ថ្នាំពណ៌ចេញពីបំពង់ភ្លើងតូចមួយក្នុងឃ្លាំងនោះ។
អាជ្ញាធររុស្ស៊ីបានចាប់ផ្តើមធ្វើការស៊ើបអង្កេតពិសេសមួយលើកករណីអគ្គិភ័យនេះ៕
ប្រភព៖ស៊ីនហួរ
