កូរ៉េខាងជើងបានបាញ់កាំជ្រួចរំលងទ្វីបមួយគ្រាប់ជាថ្មីទៀត ដោយបាញ់ចេញពីនាវាមុជទឹកមួយគ្រឿង នៅសមុទ្រភាគខាងកើតនៃប្រទេសនេះដែលធ្វើឡើង ដើម្បីឆ្លើយតប គម្រោងការធ្វើសមយុទ្ធ រវាងអាមេរិក និង កូរ៉េខាងត្បូង ក្នុងសប្ដាហ៍នេះ។
ក្រុមមន្ដ្រីអាមេរិកនិយាយថា កាំជ្រួចរបស់កូរ៉េខាងជើង ឈ្មោះថា kn-11 ត្រូវបានបាញ់ចេញពីមូលដ្ឋានទ័ពជើងទឹករបស់ខ្លួននៅតំបន់ ស៊ិមពោ ដោយវាហោះបានចំងាយ ៥០០ គីឡូម៉ែត្រ មុនពេលវាធ្លាក់ចូលក្នុងដែនសមុទ្រជប៉ុន។ តាមមន្ដ្រីយោធាអាមរិករូបនេះថា គ្រាប់កាំជ្រួចរបស់កូរ៉េខាងជើង បានធ្លាក់ចូលក្នុងតំបន់ការពាររបស់ប្រទេសជប៉ុន។
នាយករដ្ឋមន្ដ្រីជប៉ុន ស៊ិនហ្សូ អាបេ បាននិយាយថា កូរ៉េខាងជើងបានគំរាមជាក់ស្ដែងលើដែន អធិបតេយ្យភាព របស់ខ្លួនហើយបានអំពាវនាវឲ្យសហគមន៍អន្ដរជាតិ ថ្កោលទោសទីក្រុងព្យុងយ៉ាងឲ្យបានខ្លាំងខ្លាបំផុត។
កូរ៉េខាងជើងបានព្រមានកាលពីថ្ងៃទី អង្គារ ម្សិលមិញថា ប្រសិនបើការធ្វើសមយុទ្ធ រវាងអាមេរិក និងកូរ៉េខាងត្បូង ប៉ះពាល់ដល់ដែនអធិបតេយ្យ របស់ខ្លួនគឺ ទីក្រុងព្យុងយ៉ាង និង បើកការវាយលុកចូលកូរ៉េខាងត្បូងភ្លាម។ តាមបណ្ដាញផ្សាយព័ត៌មាន BBC កងទ័ពអាមេរិក និងកងទ័ពកូរ៉េខាងត្បូង នឹងបើកធ្វើសមយុទ្ធប្រចាំឆ្នាំជាថ្មីទៀត នៅចុងសប្ដាហ៍នេះ។
ចាប់តាំងពីឆ្នាំ ២០១១ មកប្រទេសកូរ៉េខាងជើង បានបាញ់សាកល្បងកាំជ្រួចរំលងទ្វីបប្រមាណជា ១០ គ្រាប់មកហើយ៕ ប្រភព: BBC
