ក្រុងម៉ានីល៖ ប៉ូលីសបាននិយាយនៅថ្ងៃទី២២ សីហា នេះថា ចំនួននៃការសម្លាប់ទាក់ទងនឹងករណីគ្រឿងញៀនបានកើនឡើងក្នុងប្រទេសហ្វីលីពីន ចាប់តាំងពីប្រធានាធិបតីលោក Rodrigo Duterte បានឡើងកាន់អំណាចចាប់តាំងពីខែឧសភា។ ហើយចាប់តាំងពីលោក Duterte ផ្តើមធ្វើសង្គ្រាមប្រឆាំងគ្រឿងញៀនមក ឃើញថាអ្នកដែលត្រូវបានសម្លាប់ករណីពាក់ព័ន្ធនឹងគ្រឿងញៀននេះ បានកើនឡើងទ្វេដង ដែលរហូតមកទល់ពេលនេះ បានកើនឡើងដល់ទៅ ១៨០០នាក់។
លោក Ronald Dela Rosa ប្រធានប៉ូលីសជាតិហ្វីលីពីនបានរាយការណ៍ទៅកាន់គណៈកម្មាធិព្រឹទ្ធសភា ពីការស៊ើបអង្កេតការសម្លាប់មនុស្ស ៧១២នាក់ក្រៅប្រព័ន្ធតុលាការ ដែលពាក់ព័ន្ធនឹងការជួញដូរគ្រឿងញៀន និងប្រើប្រាស់ថ្នាំញៀនត្រូវបានគេសម្លាប់ក្នុងអំឡុងពេលប្រតិបត្ដិការរបស់ប៉ូលីស។ លោក Dela Rosa បាននិយាយថា ប៉ូលីសកំពុងស៊ើបអង្កេតលើកការសម្លាប់មនុស្សជាង១០៦៧នាក់ ទាក់ទងនឹងគ្រឿងញៀននៅក្រៅសមត្ថកិច្ចរបស់ប៉ូលីស។
អង្គការសហប្រជាជាតិបានទទូចឱ្យរដ្ឋាភិបាលក្រុងម៉ានីល បញ្ឈប់ការសម្លាប់ក្រៅប្រព័ន្ធតុលាការ និងការសម្លាប់ផ្សេងទៀតដែលចេះតែមានការកើនឡើងចាប់តាំងពីការលោក Duterte បានសថ្បចូលកាន់តំណែងជាប្រធានាធិបតី ដែលលោក Duterte បានសន្យាលុបបំបាត់គ្រឿងញៀនចេញពីប្រទេសហ្វីលីពីនឱ្យបាន៕
ប្រភព៖CNA
