បទសម្ភាសន៍: លោក រស់ សារ៉ុម ប្រធានសមាគមជ័យលាភីបញ្ញាជនកម្ពុជារំពឹងថា គណបក្សនយោបាយធំៗទាំងពីរនៅកម្ពុជា នឹងចូលរួមតាមដានសកម្មភាពដែលមន្ដ្រីថ្នាក់ក្រោមអនុញ្ញាតឱ្យជនអន្ដោប្រវេសន៍មានសិទ្ធិចុះឈ្មោះបោះឆ្នោត ករណីដែលពួកគេមានអត្ដសញ្ញាណប័ណ្ណសញ្ជាតិខ្មែរនោះ។
លោក រស់ សារ៉ុម បានផ្ដល់សម្ភាសន៍ឱ្យវិទ្យុស្ដ្រី Fm102 ថា រឿង អនុញ្ញាតឱ្យជនអន្ដោប្រវសន៍មានសិទ្ធិជនឈ្មោះបោះឆ្នោត គឺ គណបក្សនយោបាយធំៗទាំងពីរ ត្រូវប្ដេជ្ញាគិតគូរ ឱ្យបានដាច់ខាត ចំពោះសំណើដែលសមាគមលោក បានដាក់ទៅ ជាពិសេស គឺ បញ្ហាជនអន្ដោប្រវេសន៍មានសិទ្ធិចុះឈ្មោះបោះឆ្នោតបាន ទោះបីជាពួកគេមានអត្ដសញ្ញាណប័ណ្ណក៏ដោយ។
លោកបន្ដថា នេះជាក្ដីសង្ឃឹមដែលលោកជឿជាក់ក្នុងនាមជាពលរដ្ឋខ្មែរ ដែលការពារប្រយោជន៍ជាតិ ដូចនេះ សង្ឃឹមថា គណបក្សនយោបាយទាំងពីរ គឺគណបក្សប្រជាជនកម្ពុជា និងគណបក្សសង្គ្រោះជាតិ រួមគ្នាគិតគូរ។ ការបញ្ជាក់របស់លោក រស់ សារ៉ុម ដូចនេះ បន្ទាប់ពីបាន ដាក់ញាតិទៅ សម្ដេចហេង សំរិន ប្រធានរដ្ឋសភា នៅព្រឹកថ្ងៃទី២២ខែសីហា ឆ្នាំ២០១៦នេះ។
ជ្រាបព័ត៌មាននេះជាបន្ដសូមអញ្ជើញស្ដាប់បទសម្ភាសន៍រវាងកញ្ញា ជុំ ជោគជាតា ជាមួយលោក រស់ សារ៉ុម ប្រធានសមាគមជ័យលាភីបញ្ញាជនកម្ពុជា ដូចតទៅ៖
