ភ្នំពេញ៖ ប្រមុខរដ្ឋាភិបាលកម្ពុជាសម្ដេច ហ៊ុន សែន បានថ្លែង កោតសរសើរសហគមន៍ការពារព្រៃឡង់ ដែលបានធ្វើយុទ្ធនាការ ដើរល្បាតព្រៃដើម្បីរក្សាតំបន់ព្រៃនៅទីនោះ។
សម្ដេចនាយករដ្ឋមន្ដ្រី មានប្រសាសន៍ដូចនេះនៅក្នុងវេទិកាស្តីពីការការពារនិងអភិរក្សធនធានធម្មជាតិ នៅវិមានសន្តិភាព នៅព្រឹកថ្ងៃទី ២២ខែសីហា ឆ្នាំ២០១៦នេះ។
សម្ដេចនាយករដ្ឋមន្ដ្រីបានបន្ដថា គេត្រូវជួយសហគមន៍ទាំងនោះ ដូចជា អាវរងា និងមធ្យោបាយធ្វើដំណើរទៀតផង។ ជាមួយគ្នានេះ សម្ដេចក៏បានដាក់ផែនការឱ្យក្រសួងជាប់ពាក់ព័ន្ធ ប្រជុំពីបញ្ហាបរិស្ថាន៣ខែម្ដង និងប្រជុំធំ១ឆ្នាំម្ដង។
ប្រធានវេទិកាអង្គការក្រៅរដ្ឋាភិបាល NGO Forum បានថ្លែងសាទរនៅខណៈដែល ព្រះសង្ឃ ប៊ុត ប៊ុនតិញ ប្រធានបណ្ដាញសង្ឃឯករាជ្យ ទទូចឱ្យប្រមុខរដ្ឋាភិបាល ការពារអ្នកអភិរក្សព្រៃឈើ៕