ប្រធានាធិបតីសហរដ្ឋអាមេរិក បារ៉ាក់ អូបាម៉ា នឹងធ្វើទស្សនកិច្ចនៅប្រទេសឡាវនៅខែក្រោយដែលជាទស្សនកិច្ច លើកដំបូងរបស់ប្រធានាធិបតីអាមេរិក មកកាន់ប្រទេសកុម្មុយនីស្តមួយ នៅអាស៊ីអាគ្នេយ៍មុននឹងលោក ចាកចេញពីសេតវិមាននៅដើមឆ្នាំ២០១៧។
ប្រភពរបស់សេតវិមានបានឱ្យដឹងថា ដំណើរទស្សនកិច្ចរបស់លោក អូបាម៉ា នឹងចាប់ផ្ដើមនៅថ្ងៃទី២ ដល់ថ្ងៃទី៦កញ្ញាដែលជាទស្សនកិច្ចលើកទីមួយរបស់លោកចាប់តាំងពីលោកឡើងកាន់តំណែងចាប់តាំពីឆ្នាំ២០១៤។
តាមបណ្ដាញផ្សាយព័ត៌មានរបស់Chanel News Asia នៅពេលលោកមកធ្វើទស្សនកិច្ចនៅប្រទេសឡាវខែក្រោយនេះ លោក អូបាម៉ា នឹងចូលរួមកិច្ចប្រជុំកំពូលអាស៊ានអាមេរិក និងកិច្ចប្រជុំកំពូលអាស៊ានខាងកើតចាប់ពីថ្ងៃទី៦ ដល់ថ្ងៃទី៨កញ្ញា នៅក្រុងវៀងច័ន្ទ។
តាមប្រភពដដែលនេះ លោក អូបាម៉ា នឹងលើកឡើងពីបញ្ហាសន្ដិសុខតំបន់ ដូចជា ករណី ជម្លោះសមុទ្រចិនខាងត្បូង ករណីភាពតានតឹងលើឧបទ្វីបកូរ៉េ។
នៅពេលជាមួយគ្នានោះ លោក ចន ឃែរី រដ្ឋមន្ដ្រីក្រសួងការបរទេសអាមេរិក ក៏ចូលរួមកិច្ចប្រជុំនេះដែរ។
ឡាវបានក្លាយជាប្រទេសដែលរងគ្រោះដោយសារការទម្លាក់គ្រាប់បែក របស់អាមេរិក ក្នុងសង្គ្រាមវៀតណាម ឬគេហៅថាសង្គ្រាមត្រជាក់។
តាមរបាយការណ៍ គ្រាប់បែកយ៉ាងតិច២លានគ្រាប់បានទម្លាក់លើទឹកដីឡាវ ដែលបានបណ្ដាលឲ្យប្រជាជនឡាវយ៉ាងតិច ៥ម៉ឺននាក់បានស្លាប់៕ ប្រភព៖ CNA
