អ្នកពន្លត់អគ្គិភ័យនៅរដ្ឋ California កំពុងប្រឹងប្រែងយ៉ាងសកម្មដើម្បីពន្លត់អគ្គិភ័យក្នុងតំបន់មួយនៃរដ្ឋនេះខណៈមនុស្សរាប់ពាន់អ្នកត្រូវបានជម្លៀស។
បណ្ដាញផ្សាយព័ត៌មាន BBC បានរាយការណ៍ថា ប្រជាជនប្រមាណជាង ៨ម៉ឺន២ពាន់នាក់ ត្រូវបានជម្លៀសចេញពីភាគខាងកើត នៃទីក្រុងឡូស អង់ជីឡេស។
តាមប្រភពដដែលនេះ លំនៅឋានរបស់ប្រជាពលរដ្ឋរាប់សិបខ្នងបានឆេះ នៅក្នុងតំបន់ព្រៃមួយរវាងរដ្ឋ California និងរដ្ឋ Nevada ខណៈអគ្គិភ័យនេះ បានវាយលុក និងលេបត្របាក់ព្រៃអស់ប្រមាណជា ១២២០០ ហិចតា។
ប្រភពបន្ដទៀតថា អាជ្ញាធរបានបញ្ជូនកងកម្លាំង ពន្លត់អគ្គិភ័យប្រមាណ ១៣០០នាក់ ដោយមានយន្ដហោះ ចូលរួមប្រតិបត្តិការផងដែរ៕ ប្រភព:BBC
