ហ្សាការតា៖ ប្រធានាធិបតីឥណ្ឌូនេស៊ីលោកចូកូវីដូដូ( Joko Widodo )បានឱ្យដឹងនៅថ្ងៃអង្គារ៍ទី១៦សីហានេះថា ប្រទេសឥណ្ឌូនេស៊ីនឹងចូលរួមយ៉ាងសកម្មក្នុងការដោះស្រាយជម្លោះដែនដីនៅក្នុងសមុទ្រចិនខាងត្បូង។
លោក វីដូដូ ថ្លែងថា៖ «យើងនឹងបន្តជំរុញឱ្យមានដំណោះស្រាយដោយសន្តិភាពនូវជម្លោះអន្តរជាតិនេះ» ។
លោកប្រធានាធិបតីបានថ្លែងដូចនេះ នៅក្នុងទិវា បុណ្យឯករាជជាតិរបស់ឥណ្ឌូនេស៊ីកាលពីថ្ងៃពុធសប្ដាហ៍មុន។
សូមរំលឹកថាតុលាការមជ្ឈឹត្តការអន្តរជាតិក្រុងឡាអេ បានសម្រេចកាលពីខែមុន ដោយបានច្រានចោលការទាមទារផ្លូវទឹកពីសំណាក់ចិន ហើយថាចិនគ្មានភស្តុតាងណាមួយមកបញ្ជាក់ថា ដែនទឹកប្រវត្តិសាស្ត្ររបស់ខ្លួននោះ។
ជាងនេះទៅទៀត តុលាការអន្តរជាតិនេះក៏បានប្រកាសថា ចិនបានរំលោភសិទ្ធិអធិបតេយ្យភាពរបស់ហ្វីលីពីននៅសមុទ្រចិនខាងត្បូងដែល ការសម្រេចនេះ បានធ្វើឱ្យទីក្រុងប៉េកាំងខឹងសម្បាយ៉ាងខ្លាំង ហើយចិនក៏បានច្រានចោលនូវសិទ្ធិអំណាចរបស់តុលាការអន្តរជាតិមួយនេះផងដែរ៕