USA៖ បេក្ខជនប្រធានាធិបតីនៃគណបក្សសាធារណរដ្ឋ Donald Trump បានច្រានចោលចំពោះព័ត៌មានមួយចំនួនដែលបានចុះផ្សាយថា លោកបានស្លាប់ដោយសារគាំងបេះដូង។ លោកបានថ្លែងដូចនេះ នៅខណៈលោកថ្លែងសុន្ទរកថាឆ្លើយតបនឹងលោកស្រី Hillary Clinton បេក្ខជនប្រធានាបតីមកពីគណបក្សប្រជាធិបតេយ្យ។
គេហទំព័រដែលមានឈ្មោះថា MP Professional News បានចុះផ្សាយកាលពីពេលថ្មីៗនេះថា លោក Donald Trump បានស្លាប់ដោយសារជំងឺគាំងបេះដូង ហើយក្នុងរូបភាពនោះបានបង្ហាញរូបលោក Donald Trump ដេកស្លាប់លើឥដ្ឋផងដែរ។
តែនៅពេលជាមួយគ្នានេះបណ្តាញសារព័ត៌មាន CNN បានចុះផ្សាយថា លោក Donald Trump បានដាក់ចេញនូវយុទ្ធសាស្ត្រមួយប្រឆាំងនឹងបណ្តាញភេវរកម្ម ISIS ប្រសិនបើលោកជាប់ឆ្នោតជាប្រធានាធិបតី។
លោក Donald Trump បានបញ្ជាក់ទៀតថា លោកនឹងពិនិត្យឡើងវិញ នូវច្បាប់មួយចំនួន ជាពិសេស ករណីទិដ្ឋាការលើប្រជាជនដែលមកពីប្រទេសឥស្លាម ហើយនឹងរឹតបណ្តឹងការអនុញ្ញាតឱ្យពួកនេះចូលក្នុងទឹកដីសហរដ្ឋអាមេរិក។
លោក Donald Trump គឺជាមហាសេដី្ឋអចលនទ្រព្យ លោកត្រូវប្រកួតបប្រជែងយកតំណែងមេដឹកនាំសេតវិមានជាមួយនឹងគូរប្រកួតរបស់លោក គឺអតីតរដ្ឋមន្ត្រីការបរទេសលោកស្រី Hillary Clinton ។
សហរដ្ឋអាមេរិកនឹងមានការបោះឆ្នោតជ្រើសរើសប្រធានាធតីលើកទី៤៥ នៅថ្ងៃទី០៨ វិច្ឆិកា ២០១៦ ជំនួសលោក អូបាម៉ា ដែលត្រូវចូលនិវត្តន៍។
ប្រភព៖ CNN
