USA៖ យ៉ាងតិចណាស់មនុស្សបីនាក់បានស្លាប់ និងរាប់ពាន់នាក់ត្រូវបានជួយសង្គ្រោះ បន្ទាប់ពីហេតុការណ៍គ្រោះទឹកជំនន់ក៏អាក្រក់មួយ ដែលមិនធ្លាប់មាននោះទេក្នុងជាប្រវត្តិសាស្ត្រ ដោយបានជោរជន់លិចរដ្ឋ Louisiana សហរដ្ឋអាមេរិក។
ក្រុមឆ្មាំជាតិ និងក្រុមសង្គ្រោះបន្ទាន់បានប្រើឧទ្ធម្ភាគចក្រដើម្បីសង្គ្រោះប្រជាជនដែលជាប់គាំងនៅក្នុងផ្ទះនិងឡានរបស់ពួកគេ។ការស្វែងរក កំពុងតែបន្តដើម្បីស្វែងរកមនុស្សដែលបានបាត់ខ្លួន ខណៈភ្លៀងត្រូវបានគេរំពឹងថា នឹងអាចបន្តនៅដល់ចុងសប្ដាហ៍នេះ។
ភ្លៀងធ្លាក់ខ្លាំងបានចាប់ផ្តើមកាលពីថ្ងៃសុក្រ និងបានជន់លិចតំបន់មួយចំនួន ហើយកំពស់ទឹកភ្លៀងត្រូវបានគេព្យាករថា អាចនិងមានកំពស់លើសពី ៤៣សង់ទីម៉ែត ។
នៅតាមបណ្តារដ្ឋជិតខាងដូចជារដ្ឋ Alabama និង Mississippi ក៏កំពុងជួបប្រទះអាកាសធាតុធ្ងន់ធ្ងរដូចគ្នានេះដែរ។
អភិបាលរដ្ឋ Louisiana លោក John Bel Edwards បានប្រកាសដាក់រដ្ឋក្នុងភាពអាសន្នកាលពីថ្ងៃសុក្រ។លោកបាននិយយាកាលពីថ្ងៃសៅរ៍ថា៖ «នេះគឺជាព្រឹត្តិការណ៍មួយដែលមិនធ្លាប់មាន ហើយយើងកំពុងបន្តសកម្មភាពការងារសង្គ្រោះនេះ»។
លោក John Mitchell យុវ ២៣ ឆ្នាំជាអ្នកស្រុករស់នៅរដ្ឋ Louisiana ត្រូវបានបង្ខំឱ្យហែលទៅកន្លែងសុវត្ថិភាពជាមួយមិត្តស្រី និងកូនស្រីម្នាក់អាយុ ១ឆ្នាំ។ ពួកគេត្រូវបានជួយសង្គ្រោះដោយមន្ត្រីប៉ូលីសនៅក្នុងទូកមួយ។ លោក Mitchell និយាយថា៖ «វាមិនធ្លាប់មានទេពីមុនមក»។ប្រភព៖BBC
