បារាំង៖ មន្ត្រីតុលាការបាននិយាយថា ក្មេងស្រីជំទង់សញ្ញាតិបារាំងម្នាក់អាយុ ១៦ ឆ្នាំ ត្រូវបានដាក់ស្ថិតក្រោមការស៊ើបអង្កេត ដោយសារក្មេងស្រីរូបនេះ មានគម្រោងវាយប្រហារដោយប្រើបណ្តាញទំនាក់ទំនងសង្គមតេឡេក្រាម ទាក់ទងជាមួយក្រុមជីហាដ។
បើយោងតាមបណ្តាញផ្សាយព័ត៌មាន BBC ក្មេងស្រីជំទង់បារាំងនេះ ដែលត្រូវបានបញ្ជាក់ថា មិនធ្លាប់ព្រឹត្តិបទល្មើសព្រហ្មទណ្ឌពីមុនមក ត្រូវបានអាជ្ញាធរឃុំខ្លួននៅក្នុងផ្ទះរបស់នាង បន្ទាប់ពីក្រុមប្រឆាំងនឹងភេរវកម្មវាយឆ្មក់មួយ នៅក្បែរទីក្រុងប៉ារីសកាលពី ថ្ងៃព្រហស្បតិ៍។
កងកម្លាំងសន្តិសុខបារាំង បានវាយឆ្មក់ផ្ទះគ្រួសាររបស់នាងនៅ Melun ភាគខាងលិចនៃទីក្រុងប៉ារីស ប៉ុន្តែមិនបានរកឃើញគ្រឿងផ្ទុះ ឬអាវុធនៅទីនោះទេ ។ តែបែបនេះក្ដីនាងត្រូវបានឃាត់ខ្លួន។
បើយោងតាមការសែត Le Parisien របស់បាំង ការវាយឆ្មក់ កាលពីថ្ងៃព្រហស្បតិ៍គឺជាលទ្ធផលនៃការត្រួតពិនិត្យសេវាសន្តិសុខលើបណ្តាញសង្គមនានាដែលសង្ស័យជាប់បណ្ដាញសកម្មប្រុទ្ធ។
ទីភ្នាក់ងារ សារព័ត៌មាន AFP រាយការណ៍ ថា ក្មេងស្រីរូបនេះបានឆ្លើយតបសារ ឃោសនាអំពាវអំនាវឲ្យមានការវាយប្រហារ ហើយនាងបានបង្ហាញចេតនាក្នុងការវាយប្រហារនេះ។
ព្រះរាជអាជ្ញារងលោកស្រី Laure Vermeersch និយាយកាលពីថ្ងៃចន្ទថាអ្នកស៊ើបអង្កេតបាននិយាយថា ក្មេងស្រីនេះគឺ ជាតិសាសនិយមខ្លាំងបំផុត ហើយនាងជាអ្នក គ្រប់គ្រងក្រុមអ្នកជជែកកម្សាន្តតាមបណ្តាញសង្គម មានឈ្មោះថាក្រុមឃោសនានិយមតាមបណ្តាញសង្គមឲ្យក្រុមរដ្ឋ ឥស្លាម។
លោកស្រី Vermeersch បន្តថា ក្មេងស្រីនោះ មិនត្រូវបានគេប្រាប់ឈ្មោះឡើយ ហើយនាងក៏មិនបានកំណត់គោលដៅវាយប្រហារជាក់លាក់ដែរ។
ក្មេងស្រីនោះ កំពុងស្ថិតនៅក្នុងការស៊ើបអង្កេត ករណីជាប់ពាក់ព័ន្ធ ក្រុមភេរវកម្ម និង ការញុះញង់ឲ្យប្រព្រឹត្តិអំពើភេរវកម្មតាមបណ្តាញទំនាក់ទំនងសង្គម៕ប្រភពAFP
