ក្រុងបាងកក៖ នៅក្នុងសុន្ទរកថាមួយកាលពីថ្ងៃពុធម្សិលមិញ ប្រធានក្រុមប្រឹក្សាយោធាថៃបានជំរុញឱ្យប្រជាពលរដ្ឋថៃ លើកកម្ពស់ការសម្រេចចិត្តខុសៗគ្នា បន្ទាប់ពីអ្នកបោះឆ្នោតបានអនុម័តរដ្ឋធម្មនុញ្ញដែលពួកយោធាបានរៀបរៀងខណៈមានការរិះគន់ថា ច្បាប់កំពូលថ្មីនេះ មានការរឹត្បិត សេរីភាពយ៉ាងខ្លាំង។
ការបោះឆ្នោតកាលពីថ្ងៃអាទិត្យ លើរដ្ឋធម្មនុញ្ញនេះគឺ ជាការសាកល្បងលើកដំបូងនៃមតិសាធារណៈជនថៃចាប់តាំងពីរដ្ឋប្រហារឆ្នាំ 2014។
ពួកយោធាបានសន្យាថានឹងរៀបចំការបោះឆ្នោតថ្មីមួយនៅចុងបញ្ចប់នៃឆ្នាំ 2017 ។
សហភាពអឺរ៉ុប និងសហរដ្ឋអាមេរិក បានជំរុញឱ្យលុបចោលបម្រាមលើការជួបជុំនយោបាយ ដើម្បីអនុញ្ញាតឱ្យមាន ការពិភាក្សាគ្នាដោយសេរីមុនពេលការបោះឆ្នោតមកដល់។
នៅក្នុងសុន្ទរកថា ចាក់ផ្សាយនៅលើប៉ុស្តិ៍ទូរទស្សន៍ថៃ អតីតប្រមុខកងទ័ព បានប្រែក្លាយទៅជានាយករដ្ឋមន្ដ្រី លោក ប្រាយុទ្ធ ចាន់អូចា បានបញ្ចេញសារនៃការផ្សះផ្សាជាតិដូចនេះគឺជាលើកដំបូងបន្ទាប់ពីលោក ដណ្ដើមអំណាច ពីរដ្ឋាភិបាល ស៊ីវិលកាលពីឆ្នាំ ២០១៤។
លោកថ្លែងថា៖ «ខ្ញុំចង់ឱ្យយើងចាកចេញពីភាពខុសគ្នា អារម្មណ៍នៃការទទួលយកដូចគ្នានិងមិនចូលចិត្ដ ឬការខ្វែងគំនិតគ្នានៅក្នុងប្រអប់សន្លឹកឆ្នោតទាំងនោះរបស់យើងហើយយើងដើរទៅមុខទៀត» ។
លោកបានបន្ថែមថា៖ «ការធ្វើប្រជាមតិនឹងបានបញ្ចប់ ប៉ុន្តែបេសកកម្មរបស់របស់អ្នកនិងបេសកកម្មរបស់យើងគឺមិនទាន់ចប់នៅឡើយ»។
ប្រទេសថៃត្រូវបានបែងចែកគ្នាយ៉ាងជូរចត់ដែលមិនធ្លាប់មាន ចាប់តាំងពីយោធាបានចាប់ផ្តើមធ្វើរដ្ឋប្រហារមួយក្នុងឆ្នាំ 2006 ដែលបានទម្លាក់លោក ថាក់ស៊ីន ស៊ីណាវ៉ាត្រា ជានាយករដ្ឋមន្ត្រី៕ ប្រភព:CNA
