ភ្នំពេញ៖ ស្ពានជ្រោយចង្វាចាស់ ឬស្ពានមិត្តភាពកម្ពុជា ជប៉ុន នឹងផ្អាកចរាចរណ៍រយៈពេល២ឆ្នាំ ចាប់ពីដើមឆ្នាំ ២០១៧ ខាងមុខនេះ ដើម្បីជួសជុលឡើងវិញ។
បើយោងតាមសារព័ត៌មានក្នុងស្រុកបានឲ្យដឹងថា ស្ពានជ្រោយចង្វានឹងបិទបណ្តោះអាសន្ននេះ ធ្វើឡើង បន្ទាប់ពីអង្គការ JICA របស់ជប៉ុន រកឃើញថា ស្ពាននេះមានសភាពចាស់ទ្រុឌទ្រោមដោយសសរគ្រឹះមួយចំនួនប្រេះស្រាំ។
ការជួសជួលស្ពានជ្រោយចង្វានេះ គឺ ក្រោមជំនួយឧបត្ថម្ភពីប្រទេសជប៉ុន ដោយចំណាយទឹកប្រាក់ប្រមាណ ៣០ លានដុល្លាអាមេរិក។ នេះបើតាមសារព័ត៌មាន Fresh News។
ស្ពានឆ្លងទន្លេនេះ នឹងចាប់ផ្តើមជួសជុលឡើងវិញ ចាប់ពីខែ មករា ឆ្នាំ ២០១៧ ដោយបិទផ្អាកដំណើរការរយៈពេល២ ឆ្នាំ។
ស្ពានមិត្តភាពកម្ពុជា-ជប៉ុន មានប្រវែង១.០៨០ម៉ែត្រ និងទទឹង ១៣ម៉ែត្រ សាងសងនៅឆ្នាំ ១៩៦០ ឆ្នាំ ១៩៦៣ ក្រោមជំនួយរបស់រដ្ឋាភិបាលជប៉ុន៕
