ក្រុងម៉ានីល៖ ប្រធានាធិបតីហ្វីលីពីនលោក Rodrigo Duterte នៅថ្ងៃច័ន្ទទី ០១ សីហានេះ បានព្រមានដល់ក្រុមហ៊ុនរុករករ៉ែទាំងអស់ ត្រូវគោរពតាមច្បាប់ស្តីពីបរិស្ថានឱ្យបានជាប់លាប់។ ជាងនេះទៅទៀតលោក Duterte បន្តថា បើទោះបីជាគ្មានឧស្សាហកម្មរ៉ែក៏ប្រទេសហ្វីលីពិនអាចរស់ដោយខ្លួនឯងបានដែរ។
លោក Duterte បានថ្លែងនៅក្នុងសន្និសីទកាសែតខ្លីមួយ ដោយសំដៅដល់ក្រុមហ៊ុនរុករករ៉ែយ៉ាងដូច្នេះថា៖«ប្រជាជាតិយើងនឹងរស់នៅបានដោយគ្មានអ្នក »។ លោក Duterte បន្ថែមថា៖«អ្នកត្រូវតែអនុវត្តតាមស្តង់ដាររបស់រដ្ឋាភិបាលយ៉ាងតឹងរឹង មិនដូច្នោះទេអ្នកអាចប្រឈមនិងការបិទទ្វារ» ។
ប្រទេសហ្វីលីពីនបានផ្អាកប្រតិបត្ដិការក្រុមហ៊ុនរុករករ៉ែក្នុងស្រុកចំនួនប្រាំពីររួចមកហើយ បន្ទាប់ពីក្រុមហ៊ុនទាំងនោះ មិនបានអនុវត្តតាមបទប្បញ្ញត្តិស្តីពីបរិស្ថានរបស់ប្រទេសមួយនេះទេ។ លេខាធិការក្រសួងបរិស្ថាន និងធនធានធម្មជាតិ លោក Regina Lopez ចាប់ផ្ដើមជម្រះបញ្ជីសវនកម្មនៃក្រុមហ៊ុនរុករករ៉ែទាំងអស់កាលពីថ្ងៃទី ៨ ខែកក្កដាសប្តាហ៍មុន។ ហើយលោក Duterte សន្យាថានឹងបិទប្រតិបត្តិការក្រុមហ៊ុនផ្សេងៗជាច្រើនទៀតដែលបង្កឱ្យមានការបំផ្លាញបរិស្ថាន៕
ប្រភព៖CNA
