អាមេរិក៖ យោងតាមបណ្តាញសារព័ត៌មាន BBC បានឲ្យដឹងថា អាជ្ញាធរនៅក្នុងរដ្ឋតិចសាស់បានរាយការណ៍ថា មនុស្ស ១៦នាក់ ដែលជិះនៅលើបាឡុងបានស្លាប់បាត់បង់ជីវិតទាំងអស់។
បាឡុងនោះបានធ្លាក់នៅទីវាលមួយកន្លែងក្បែរ Lockhart ចំណាយប្រហែល ៥០ គីឡូម៉ែត្រ ភាគខាងត្បូងរដ្ឋធានី Austin។
អ្នកត្រួតពិនិត្យនៅរដ្ឋ Caldwell លោក Daniel Law បាននិយាយថា បាឡុងបានឆេះយ៉ាងខ្លាំង មុនពេលក្រុមជួយសង្គ្រោះមកដល់។
វីឌីអូដែលបានបង្ហោះដោយប្រព័ន្ធផ្សព្វផ្សាយក្នុងស្រុកបានបង្ហាញថា បាឡុងបានធ្លាក់នៅក្បែរបង្គោលភ្លើងខ្ពស់មួយ ប៉ុន្តែគេមិនទាន់ដឹងអំពីមូលហេតុនៃការធ្លាក់នៅឡើយទេ។ ក្រុមអាជ្ញាធរ បាននិយាយថា បាឡុង បានធ្លាក់នៅម៉ោងប្រហែល ៧:៤៨ នាទី។
ក្រុមសង្គ្រោះនិយាយថា៖«វាគ្មានអ្នកណាម្នាក់រស់រាន់មានជីវិតក្នុងឧបទ្ទវហេតុនៃការធ្លាក់បាឡុងនេះឡើយ»។ នេះជាហេតុការណ៍ធ្លាក់បាឡុងដែលសម្លាប់មនុស្សច្រើនជាងគេបំផុតនៅសហរដ្ឋអាមេរិក។
សូមរំលឹកថា កាលពីខែ កុម្ភៈ ឆ្នាំ ២០១៣ បាឡុងមួយបានធ្លាក់នៅទីក្រុង Luxor ប្រទេសអេហ្ស៊ីប ហើយអ្នកទេសចរណ៍បរទេស ១៩ នាក់បានស្លាប់។ ហើយកាលពីខែ សីហា ឆ្នាំ ២០១២ មនុស្ស ៦ នាក់បានស្លាប់ និង ២៦ នាក់ផ្សេងទៀត បានរងរបួសដោយ សារធ្លាក់បាឡុង នៅក្បែរតំបន់ Ljubljana នៃទីក្រុង Slovenia។
ប្រភព៖ BBC
