ក្រុមមន្ត្រីកូរ៉េខាងត្បូងចោទ ប្រទេសកូរ៉េខាជើងថាបានធ្វើចរកម្ម រំខានប្រព័ន្ធផ្សព្វផ្សាយរបស់ខ្លួនបន្ទាប់ពីប្រទេសបងប្អូនទាំង២នេះ បែកបាក់គ្នាដោយសារសង្គ្រាមត្រជាក់។ អ្នកនាំពាក្យក្រសួងបង្រួបបង្រួមខាងត្បូងបាននិយាយថា វាមិនដឹងច្បាស់អំពីគោលបំណងរបស់កូរ៉េខាងជើងឡើយ។ ប៉ុន្តែគេទទូចឱ្យកូរ៉េខាងជើង បញ្ឈប់នូវការប្រើល្បិចចាស់គំរិល នេះ។
ក្រុមមន្ត្រីកូរ៉េខាងត្បូងនិយាយថា វិទ្យុមួយចំនួនត្រូវចាប់បានប៉ុស្តិ៍គឺឈ្មោះ វិទ្យុក្រុងព្យុងយ៉ាង។ ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូង បានដកស្រង់សម្តីរបស់មន្ត្រីរដ្ឋាភិបាលវិទ្យុចរកម្មនេះ ផ្សាយក្នុងរយៈពេលខ្លីគឺ ១២នាទី នៅពាក់កណ្តាលយប់ដោយសំឡេងមនុស្សស្រីនិយាយថា៖ «ខ្ញុំនឹងពិនិត្យឡើងវិញនូវភ្នាក់ងារស្វែងរកលេខសំគាល់២៧»។
តាមទីភ្នាក់ងារសារព័ត៌មាន AP ប្រទេសកូរ៉េខាងជើងបានប្រើឧបករណ៍ចាប់ ប្រព័ន្ធផ្សព្វផ្សាយ ម្តងរួចមកហើយកាលពីនៅថ្ងៃទី 24ខែមិថុនា។
អាជ្ញាធរស៊ើបការណ៍សម្ងាត់របស់កូរ៉េខាងត្បូង បានព្យាយាមដោះស្រាយបញ្ហានេះ ប៉ុន្តែពួកគេបានប្រុងប្រៀបជាស្រេច ដើម្បីការពារការបង្កហេតុអ្វីមួយកើតឡើង។
ការផ្សាយបែបនេះ ត្រូវបានកើតឡើងជាញឹកញាប់ នៅក្នុងសម័យសង្គ្រាមត្រជាក់ ដែលជាមធ្យោបាយមួយត្រូវគេប្រើប្រព័ន្ធចរកម្ម។
ការផ្សាយបែបនេះបានធ្វើឡើង បន្ទាប់ពីភាពតានតឹងកើនឡើងរវាងកូរ៉េខាងជើង និងកូរ៉េខាងត្បូង និងបន្ទាប់ពីក្រុងព្យុងយ៉ាងបានបាញ់សាកល្បងអាវុធនុយក្លេអ៊ែរ និងមីស៊ីលដែលជាការបំពានលើ ការដាក់ទណ្ឌកម្មរបស់ អន្តរជាតិ។
កូរ៉េខាងត្បូង និងសហរដ្ឋអាមេរិកបានប្រកាសកិច្ចព្រមព្រៀង ដាក់ពង្រាយប្រព័ន្ធការពារមីស៊ីលល្បឿនលឿនដែលធ្វើឱ្យទីក្រុងព្យុងយ៉ាងខឹងសម្បារយ៉ាងខ្លាំង៕ ប្រភព:CNA
