សហរដ្ឋអាមេរិក៖ គណបក្សសាធារណរដ្ឋបានប្រកាសបញ្ជូនបេក្ខជន ជាផ្លូវការបេក្ខជនប្រធានាធីបតី មហាសេដ្ឋីអចលនទ្រព្យ លោក ដូណាល់ ត្រាំ ក្នុងការប្រកួតប្រជែងតំណែងប្រធានាធិបតី ជាមួយនឹងអតីតរដ្ឋមន្ដ្រីការបរទេស គឺលោក ស្រី ហីឡារី គ្លីនតុន មកពីគណបក្សប្រជាធិបតេយ្យ។
តាមបណ្ដាញផ្សាយព័ត៌មាន BBC លោក ដូណាល់ ត្រាំ ត្រូវគេរំពឹងថា នឹងក្លាយជាបេក្ខជនតំណែងប្រធានាធិបតី ជាផ្លូវការតាមរយៈការអនុម័ត ដោយគណៈប្រតិភូ នៃគណបក្សសាធារណរដ្ឋនៅថ្ងៃព្រហស្បត្ដិ៍ ស្អែកនេះ។
ទន្ទឹមគ្នានេះដែរ BBC បានរាយការណ៍ថា លោកស្រី គ្លីនតុន តែមួយគត់នឹងត្រូវបានគណបក្សប្រជាធិបតេយ្យអនុម័តជាបេក្ខជនតំណែងប្រធានាធិបតី បន្ទាប់ពីលោកស្រីបានឈ្នះឆ្នោតដ៏លំបាកបំផុត លើគួប្រកួតរបស់លោកស្រី គឺសមាជិកព្រឹទ្ធសភា បេនី សែនឌ័រ។
សហរដ្ឋអាមេរិកនឹងបោះឆ្នោតជ្រើសរើសតំណែងប្រធានាធិបតីលើកទី ៤៥ ជំនួសលោក អូបាម៉ា ដែលត្រូវដាក់់ឲ្យចូលនិវត្ដន៍ ហើយការបោះឆ្នោតនេះនឹងប្រព្រឹត្ដិទៅនៅថ្ងៃទី ១៨ វិច្ឆិកា ឆ្នាំ២០១៦។
តាមការស្ទង់មតិរបស់បណ្ដាញផ្សាយព័ត៌មាន សហរដ្ឋអាមេរិកមួយចំនួន បង្ហាញថា លោក ដូណាល់ ត្រាំ និង លោកស្រិ ហីឡារី គ្លីនតុន ស្ថិតនៅក្នុងស្ថានភាពប្រកៀកគ្នាយ៉ាងខ្លាំងនៅរយៈពេលចុងក្រោយនេះ ដែលខុសពីការស្ទង់មតិដំបូងនៅខែ មេសា បញ្ជាក់ថាលោក ដូណាល់ ត្រាំ ទទួលបានការគាំទ្រតិចតួចបំផុត បើប្រៀបធៀបនឹងលោកស្រី គ្លីនតុន។
ការស្ទង់មតិចុងក្រោយដែលស្រង់មកចុះផ្សាយដោយបណ្ដាញផ្សាយព័ត៌មាន BBC ធ្វើឡើង កាលពីចុងខែមិថុនា នេះ គឺ លោក ត្រាំ ចាញ់លោកស្រី គ្លីនតុន តែ ២ភាគរយប៉ុណ្ណោះ៕ ប្រភព៖ BBC
