អាល្លឺម៉ង់៖ មន្ត្រីប៉ូលីសបាននិយាយនៅថ្ងៃទី១៩ កក្ដដានេះថា ជនភៀសខ្លួនអាហ្វហ្គានីស្ថានវ័យជំទង់ម្នាក់ ប្រដាប់ដោយពូថៅ និងកាំបិតខ្លី បានធ្វើសកម្មភាពវាយប្រហារមួយ បណ្តាលឱ្យមនុស្ស ៤ នាក់រងរបួស។
តាមណ្ដាញផ្សាយព័ត៌មានBBC សកម្មភាព នេះកើតឡើង លើរថភ្លើងនៅភាគខាងត្បូងប្រទេសអាល្លឺម៉ង់ ហើយជនដៃដល់រូបនោះត្រូវបានប៉ូលីសបាញ់សម្លាប់ភ្លាមៗផងដែល។
ប៉ូលិសបានបន្តថា មនុស្សបីនាក់បានរងរបួសយ៉ាងធ្ងន់ធ្ងរ និងម្នាក់រងរបួសស្រាលនៅក្នុងការវាយប្រហារនៅក្នុងទីក្រុង Würzburg នោះ។
សេចក្តីរាយការណ៍ដំបូងបានឱ្យដឹងថា មនុស្សរហូតដល់ ២០ នាក់ បានរងរបួស ប៉ុន្តែក្រោយមកត្រូវគេ បញ្ជាក់ឡើងវិញថា ១៤ នាក់រងរបួស។
ជុំវិញមូលហេតុនៃការវាយប្រហារនេះ ប៉ូលីសមិនទាន់អាចបញ្ជាក់ឱ្យបានច្បាស់លាស់នៅឡើយនោះទេ។
រដ្ឋមន្ត្រីក្រសួងមហាផ្ទៃ លោក Joachim Herrmann និយាយថា អ្នកវាយប្រហារនេះ គឺជាជនភៀសខ្លួនអាហ្វហ្គានីស្ថាន មានអាយុ ១៧ ឆ្នាំ រស់នៅក្នុងទីក្រុងក្បែរ Ochsenfurt ។
បើតាមលោក Herrmann អាជ្ញាធរបានអះអាងថាមានមនុស្ស មួយចំនួនបានស្រែកដាក់ក្មេងស្ទាវនេះថា « Allahu Akbar » មានន័យថា " ព្រះជាម្ចាស់អស្ចារ្យ " ហើយ វាកើតឡើងអំឡុងវាយប្រហារ៕
ប្រភព៖ BBC
