បារាំង៖ បណ្តាញផ្សាយព័ត៌មាន BBC ដែលបានស្រង់សម្តីមន្ត្រីប៉ូលីសបានរាយការណ៍ថា យ៉ាងហោចណាស់ មនុស្ស ៨០ នាក់បានស្លាប់ និងពលរដ្ឋរាប់សិបនាក់ទៀតរងរបួស ដោយសាររថយន្តឡូរី បានបើកសម្រុកកាត់ហ្វូងមនុស្សដែលកំពុងកំសាន្តមើលការបាញ់កាំជ្រួញ ក្នុងពិធីបុណ្យ Bastille Day ។
មន្ត្រីប៉ូសលីសបានរាយការណ៍បន្តថា ប្រជាជនប្រមាណ ៥០ នាក់ផ្សេងទៀត កំពុងរងរបួសយ៉ាងធ្ងន់ធ្ងរ ហើយមិនដឹងថាអាចមានសង្ឃឹមរស់រានមានជីវិតយ៉ាងណានៅឡើយនោះទេ។
ហេតុការណ៍នោះបានកើតឡើងនៅល្ងាចថ្ងៃព្រហស្បតិ៍ទី ១៤ កក្តដា ម្សិលមិញនៅទីក្រុង Nice ភាគខាងត្បូងប្រទេសបារាំង។
ប្រធានាធិបតីបារាំង Francois Hollande ចាត់ទុកឧបទ្ធវហេតុនេះថា ជាសារធាតុមួយនៃអំពើភេរវកម្ម។
លោកប្រកាសកាន់ទុក្ខរយៈពេល ៣ខែ ហើយបានសម្រេចដាក់បំរាមគោចរណ៍នៅទីនោះរហូតថ្ងៃ ២៦ កក្កដា ។
កាលពីខែវិច្ឆិកា ឆ្នាំ២០១៥ អំពើវាយប្រហារមួយ កើតឡើងនៅទីក្រុងប៉ារីស ដោយសម្លាប់មនុស្ស ១៣០ នាក់ និងរបួសរាប់រយនាក់៕
ប្រភព:BBC
ប្រភពវីដេអូពី៖BBC
