សេចក្ដីថ្លែងការណ៍របស់ក្រសួងការបរទេសចិនបានធ្វើឡើងភ្លាមៗ ដោយបញ្ជាក់ថា ចិនមានសិទ្ធិគ្រប់គ្រាន់លើការគ្រប់គ្រងលើដែនអធិបតេយ្យរបស់ខ្លួននៅសមុទ្រចិនខាងត្បូង ហើយប្រកាស់ថា ខ្លួនក៏ត្រូវតែខិតខំការពារ តំបន់នោះឲ្យបានរឹងមាំទៅមុខទៀត។
តាមបណ្ដាញផ្សាយព័ត៌មាន BBC អនុរដ្ឋមន្ដ្រីក្រសួងការបរទេសចិន លី ស៊ីមិញ បានប្រាប់អ្នកសារព័ត៌មានថា ចិនសម្រេចបង្កើតមូលដ្ឋានកងទ័ពជើងអាកាសរបស់ខ្លួន គឺប្រយោជន៍តែមួយគត់ដើម្បីសន្ដិសុខប្រទេសជាតិ ដោយសារតែតំបន់នោះស្ថិតនៅក្រោមការគំរៀមគំហែងជានិច្ចពីបណ្ដាប្រទេសដែលជាប់ពាក់ព័ន្ធ។
កាលពីថ្ងៃម្សិលមិញតុលាការមជ្ឈិត្ដការអន្ដរជាតិ បានសម្រេចថា ចិនមិនមានសិទ្ធអំណាចដើម្បីគ្របគ្រងតំបន់ដែនជម្លោះដែលជាផ្នែកមួយនៃដែនទឹកប្រទេសហ្វីលីពីននោះទេ។
យ៉ាងនេះក្ដីសាលដីការរបស់តុលាការអន្ដរជាតិនេះ មិនបានបង្គាប់ដាច់ណាត់បង្ខំឲ្យចិនបញ្ឈប់សកម្មភាពស្ថាបនាកោះសិប្បនិមិត្ដទាំងនោះឡើយ។ តែប្រទេសហ្វីលីពីន ដែលឈ្នះក្ដីរឿងនេះ មិនទាន់ប្រកាសថា នឹងចូលកាន់កាប់ ទីនោះនៅពេលណាទេ ខណៈប្រជាជនរបស់ប្រទេសនេះ បានអបអរសាទរ ពាស់ពេញប្រទេស។
ប្រទេសចិនបានស្ថាបនា កោះសិប្បនិម្មិតនៅទីនោះ តាំងពីឆ្នាំ ២០១២ លើផ្ទៃសមុទ្រ ជាង ១០០០០ ហិចតា ដែលវាជាមូលដ្ឋាន ទ័ពជើងទឹក និងជើងអាកាសរបស់ប្រទេសមហាអំណាចមួយនេះ៕ ប្រភព :BBC
