វ៉ាសូវី៖ លោកប្រធានាធិបតីអាមេរិកបារ៉ាក់អូបាម៉ាកាលថ្ងៃសុក្រទី០៨ កក្កដា បានថ្កោលទោសការវាយប្រហារដ៏កាចសាហាវមួយនៅទីក្រុង Dallas ដែលជនមិនស្គាល់មុខបានលបបាញ់សម្លាប់ប៉ូលិសប្រាំនាក់ ក្នុងអំឡុងការតវ៉ាប្រឆាំងនឹងការបាញ់ប្រហាររបស់ប៉ូលីសលើបុរសស្បែកខ្មៅ។
លោក អូបាម៉ា បានថ្លែងនៅក្នុងសន្និសិទកាសែតមួយនៃកិច្ចប្រជុំកំពូលរបស់អង្គការណាតូ នៅទីក្រុងវ៉ាសូវី ថា៖ «យើងមិនទាន់ដឹងពីការពិតនៅឡើយនោះទេ។ អ្វីដែលយើងដឹង គឺថាមានការវាយប្រហារយ៉ាងសាហាវ និងគួរឱ្យស្អប់ខ្ពើមបានកើតឡើងចំពោះអ្នកអនុវត្តច្បាប់»។
លោក អូបាម៉ា បានឱ្យដឹងថា ការសម្លាប់ជាថ្មីម្តងទៀតនេះគឺកើតឡើងពីបញ្ហានៃការត្រួតពិនិត្យកាំភ្លើងនៅសហរដ្ឋអាមេរិក បន្ទាប់ពីមានការបាញ់រះយ៉ាងសម្បើមកាលពីថ្មីៗនេះ។
តាមបណ្ដាញផ្សាយព័តមានBBC មនុស្សជាច្រើនរយនាក់បានចូលរួមក្នុងការជួបជុំតវ៉ានាទីក្រុង Dallas ស្រាប់តែភ្លាមនោះ មានការ បាញ់ប្រហារភ្លាមនៅព្រឹកថ្ងៃសុក្រនេះ។
ការតវ៉ានេះបានកើតឡើងនៅទូទាំងប្រទេស បន្ទាប់ពីប៉ូលីសបានបាញ់សម្លាប់បុរសស្បែកខ្មៅនៅរដ្ឋមីនីសូតានិងរដ្ឋ Louisiana នៅសប្តាហ៍នេះ៕
ប្រភព:BBC
