ប្រទេសចិនបានចោទប្រទេសជប៉ុនថា កំពុងត្រៀមធ្វើសង្គ្រាម ដោយសារតែជម្លោះសមុទ្រ ចិនខាងកើត ។ ក្រសួងការពារជាតិនៃប្រទេសចិនបានចោទដូចនេះ នៅពេលដែលយន្ដហោះចម្បាំងរបស់ជប៉ុន ២គ្រឿង បានហោះយ៉ាងកៀកបំផុតនិងយន្ដហោះចម្បាំងរបស់ចិន ដែលកំពុងហោះហើរលើដែនសមុទ្រចិនខាងកើត ដែលមានជម្លោះជាមួយជប៉ុន។
យោងតាមសេចក្ដីរាយការណ៍របស់បណ្ដាញផ្សាយព័ត៌មានរបស់ប្រទេសចិន បាននិយាយថា ទីក្រុងប៉េកាំង ចាំបាច់ត្រូវតែត្រៀមកងទ័ពដើម្បីប្រឈមមុខនៅពេលណាមួយ និងគ្រប់ទីកន្លែងទាំងអស់។
តែទោះយ៉ាងនេះក្ដី ក្រសួងការពារជាតិប្រទេសជប៉ុនបានបដិសេធ ហើយបានអះអាងថា យន្ដ ហោះចម្បាំងF15 ដែលបានហោះហើរទៅកាន់ទីនោះ គឺដើម្បីតាមដានការហោះហើររបស់ចិននៅទីនោះផងដែរ ហើយមិនមែនជាការបង្ករឿងប្រឆាំងនិងចិននោះទេ។
កាលពីថ្ងៃអង្គារ៍ ទី៥ យន្ដហោះចម្បាំងរបស់ចិនមួយគ្រឿង បានហោះឆ្លងកាត់តំបន់ដែលចិន ដាក់ការហាមប្រាម ការហោះហើរ តាំងពីឆ្នាំ២០១៣មកម្ល៉េះ នៅលើទីប្រជុំកោះ SanKaKu ឬកោះ Diaou ជាភាសាចិន ដែលភ្លាមនោះ ជប៉ុនបានបញ្ចូនយន្ដហោះចម្បាំង២គ្រឿង ដើម្បី បណ្ដេញយន្ដហោះខាងលើចេញពីតំបន់នោះវិញ។ ដែលហេតុការណ៍នេះធ្វើឱ្យមានការប្រឈមមុខ ដាក់គ្នាភ្លាមៗ។
ប្រទេសទាំងពីរនេះ បានឈ្លោះដណ្ដើមកាន់កាប់ ប្រជុំកោះ SanKaKu នៃសមុទ្រចិនខាងកើត ជាច្រើនឆ្នាំមកហើយ ហើយនៅឆ្នាំ ២០១២ និង២០១៣ ប្រទេសទាំងពីរ មានជម្លោះការទូតជាមួយគ្នាយ៉ាងខ្លាំង ដោយសារ ដែនទឹកសមុទ្រ នៃប្រទេសទាំងពីរ ៕ ប្រភព៖CNA