ភ្នំពេញ៖ ក្រុងRiyadh: យ៉ាងហោចណាស់មនុស្ស ៧នាក់ ក្នុងនោះក៏មានអ្នកបំផ្ទុះគ្រាប់បែកអត្តឃាតបីនាក់ផង បានស្លាប់នៅក្នុងការវាយប្រហារដោយគ្រាប់បែកអត្តឃាតនៅប្រទេសអារ៉ាប៊ីសាអ៊ូឌីត កាលពីថ្ងៃចន្ទទី០៤ នៅក្នុងតំបន់ផ្សេងៗគ្នានៅមុនពេលបញ្ចប់ពិធីស្រាយបួស ក្នុងពិធីបុណ្យរ៉ាម៉ាដានរបស់សាសនាមូស្លីម។
ចាប់តាំងពីចុងឆ្នាំ 2014 មកប្រទេសអារ៉ាប៊ីសាអូឌីត បានរងការវាយប្រហារដោយការបំផ្ទុះគ្រាប់បែក និងការបាញ់ប្រហារជារឿយៗពីសំណាក់ក្រុមរដ្ឋអ៊ីស្លាម ប៉ុន្តែការវាយប្រហារជាច្រើននៅថ្ងៃដដែលនោះគឺមានភាពធ្ងន់ធ្ងរ។
វិហារអ៊ីស្លាមរបស់ព្យាការីនៅភាគខាងលិចនៃប្រទេសនេះ គឺជាផ្នែកមួយនៃតំបន់ពិសិដ្ឋបំផុតរបស់សាសនាអ៊ីស្លាម ដែលជាកន្លែងដែលព្រះ Mohammed ត្រូវបានបញ្ចុះ និងជាទីកន្លែងបានទាក់ទាញភ្ញៀវទេសចររាប់លាននាក់មកកំសាន្តជារៀងរាល់ឆ្នាំ។
មានការបំផ្ទុះគ្រាប់បែកពីរផ្សេងទៀត កើតឡើងនៅតំបន់សមុទ្រក្រហមនៃក្រុង Jeddah ជិតស្ថានកុងស៊ុលអាមេរិក និងនៅ Qatif ដែលជំរករបស់ពួកនិកាយស៊ីអ៊ីត៕
ប្រភព:CNA
