ភ្នំពេញ៖ សម្ដេចនាយករដ្ឋមន្ដ្រី ហ៊ុន សែន នៅថ្ងៃសុក្រនេះ បានសុំលោកតាធាក់ស៊ីក្លូម្នាក់ធ្វើជាឱពុកធម៌ បន្ទាប់ពី បុរសវ័យ៨៩ឆ្នាំរូបនេះ បានទទូចចង់ជួបសម្តេចសុំប្រាក់ចំនួន ១០០០ដុល្លារ ដើម្បីសង់ផ្ទះនៅស្រុកកំណើត សំរាប់ជីវិតចុងក្រោយ។
តាមហ្វេសប៊ុករបស់សម្ដេចដែលបានចុះផ្សាយ គឺបុរសនេះបានចូលជួបសម្ដេចនៅគេហដ្ឋានរបស់សម្ដេច ដោយបានសន្ទនាគា្នជាច្រើនម៉ោង។ នៅពេលជួបសម្តេច គេឃើញបុរសនេះលើកដៃសំពះនាយករដ្ឋមន្រី្តជាប់ជានិច្ច ហើយសម្ដេចក៏សំពះវិញដែរ។ មិនយូរប៉ុន្មានលោកនាយករដ្ឋមន្ត្រីក៏បានសុំតាស៊ីក្លូរូបនេះ ធ្វើជាឪពុកធម៌ ដោយសម្ដេចសន្យាចញ្ចឹមអស់មួយជីវិត។
ភ្លាមៗនោះ សម្ដេចផ្ដល់លំនៅដ្ឋានមួយខ្នង និងលុយ៥០ម៉ឺនរៀល ព្រមទាំងអង្ករ ៥០គីឡូក្រាមក្នុងមួយខែ។
សូមជម្រាបថា លោកតាធាក់ស៊ីក្លូនេះ មានឈ្មោះ ពុធ សឿន មានស្រុកកំណើតនៅខេត្តស្វាយរៀង និងមានកូន៨នាក់។ សព្វថ្ងៃនេះបុរសរូបនេះ ប្រកបរបបធាក់ស៊ីក្លូនៅភ្នំពេញ ហើយជួលស៊ីក្លូគេ ៤ពាន់រៀលក្នុងមួយថ្ងៃ។
បើតាមទំព័រហ្វេសប៊ុកមានឈ្មោះថាមរតកកម្ពុជា ដែលបានយករូបបុរសនេះមកបង្ហោះដើម្បីសុំជួបសម្ដេច គឺបុរសវ័យ ៨៩ឆ្នាំរូបនេះ មិនមានផ្ទះស្នាក់នៅនោះទេ គឺលោកតាបានសម្រាកតាមសំយ៉ាប់ផ្ទះគេនៅពេលយប់។
តទៅនេះសូមស្ដាប់កិច្ចសំណេះសំណាលរបស់សម្ដេចនាយករដ្ឋមន្ដ្រី ហ៊ុន សែន ជាមួយនិងលោកតាស៊ីក្លូដូចតទៅ៖
