loader

លោក​ព្រឹទ្ធាចារ្យ​ យិ​ត​ សា​រិ​ន​ ប្រាប់​ពី​របៀប​ធ្វើ​មុខ​ល្ខោនខោល​🔊

ភ្នំពេញ៖ ​ល្ខោនខោល​មាន​អាយុកាល​រាប់រយ​ឆ្នាំ​មក​ហើយ​ ។​ ល្ខោន​នេះ​គេ​សម្តែង​ដោយ​តួ​មនុស្ស​ប្រុស​ទាំងអស់​ គឺ​ទាំង​តួ​ និ​រោង​ និង​ តួ​ស្រី​ ។​ រាល់​ការ​សម្តែង​គឺ​គេ​តែងតែ​ពាក់​មុខ​ លើកលែងតែ​តែ​តួរ​នាង​សិ​តា​។​

lakhorn-1
លោក​សាស្ត្រ​ចា​រ្យ​ យិ​ត​ សា​រិ​ន​ បច្ចុប្បន្ន​លោក​មាន​ប្រា​ជន្ម​៩១​ឆ្នាំ​ជា​គ្រូបង្ហាត់​ល្ខោនខោល​និង​ជា​អ្នកជំនាញ​ធ្វើ​មុខ​ល្ខោនខោល

លោក​សាស្ត្រ​ចា​រ្យ​ យិ​ត​ សា​រិ​ន​ បច្ចុប្បន្ន​លោក​មាន​ប្រា​ជន្ម​៩១​ឆ្នាំ​ជា​គ្រូបង្ហាត់​ល្ខោនខោល​និង​ជា​អ្នកជំនាញ​ធ្វើ​មុខ​ល្ខោនខោល​ បាន​រៀបរាប់​ពី​ដំណាក់កាល​នីមួយៗ​ក្នុង​របៀប​ធ្វើ​មុខ​ល្ខោនខោល​ថា​មាន​ភាព​លំបាក​ច្រើន​និង​មិនសូវ​មាន​អ្នក​ចាប់អារម្មណ៍​រៀន​ពី​ របៀប​ធ្វើ​ ។​

​ដើម្បី​ជ្រាប​ច្បាស់​សូម​ស្ដាប់​បទ​យកការណ៍​ដែល​រៀបចំ​ដោយ​កញ្ញា​ ច្រឹ​ក​ ស្រី​អូន​ ដូច​តទៅ​៖

​    ​
​គេហដ្ឋាន​មួយ​មាន​រៀបចំ​តំកល់​មុខ​សម្រាប់​ការ​សម្តែង​ក្នុង​ល្ខោនខោល​ នៅ​លើ​អ​សនៈ​ជាទី​កន្លែង​សម្រាប់​គោរព​បូជា​និង​មាន​រៀបចំ​នូវ​គ្រឿង​ដ​ង្វា​យ​មាន​ ទៀន​ ធូប​ ផ្កា​ ជា​ច្រើន​ ។​ ទី​នេះ​គឺជា​គេហដ្ឋាន​របស់​ លោក​សាស្ត្រ​ចា​រ្យ​ យិ​ត​ សា​រិ​ន​ ដែល​ស្ថិត​នៅ​ខណ្ឌភ្នំពេញ​ថ្មី​រាជធានី​ភ្នំពេញ​ ។​

​បុរស​វ័យ​ចំនាស់​ម្នាក់​អង្គុយ​លើ​កម្រាល​ខាង​មុខ​អ​សនៈ​នោះ​គឺ​លោក​ព្រឹទ្ធាចារ្យ​ល្ខោនខោល​ យិ​ត​ សា​រិ​ន​ ហៅ​កែវ​សរ​ ជា​រហ័ស​នាម​ តួល្ខោន​ខោល​ ។​ នៅ​ពេល​នេះ​លោក​កំពុង​ស្នាក់​នៅ​ជាមួយ​កូនប្រុស​ម្នាក់​និង​ភរិយា​លោក​ ។​

​មាន​កាយវិការ​ញ័រៗ​ ។​ លោក​សាស្ត្រ​ចា​រ្យ​ យិ​ត​ សា​រិ​ន​ មាន​ប្រសាសន៍​ថា​ លោក​កើត​នៅ​ថ្ងៃ​ទី​ ១​ កក្កដា​ ឆ្នាំ​ ១៩២៥​ នៅ​ ភូមិ​តា​ស្គរ​ ឃុំ​សារិការ​កែវ​ ស្រុក​ល្វាអែម​ ខេត្តកណ្តាល​ និង​ មាន​បងប្អូន​ ៨​នាក់​ លោក​ជា​កូន​ទី​៦​ក្នុង​គ្រួសារ​ដែល​ មាន​ឪពុក​ម្តាយ​ជា​កសិករ​ ។​  

​លោក​បាន​បន្ត​ រៀបរាប់​ពី​វិធី​ ធ្វើ​មុខ​តួល្ខោន​ខោល​ថា​ការ​ធ្វើ​មុខ​មាន​ច្រើន​ដំណាក់កាល​គឺ​គិត​ចាប់ពី​ការ​ធ្វើ​ពុម្ព​តទៅ​ ។​លោក​ បន្ត​ថា​ការ​ធ្វើ​ពុម្ព​ត្រូវ​ជ្រើសរើស​ដីឥដ្ឋ​យក​មក​ឆ្លាក់​ចាក់ពុម្ព​ បន្ទាប់​មក​គូររូប​ ។​

​លោកតា​យិ​សា​រិ​ន​បន្ត​ថា​ គេ​ត្រូវ​ផ្គុំ​វា​ជា​ពី​គឺ​ផ្នែក​ខា​មុខ​ និង​ ក្រោយ​និង​ចាក់ពុម្ព​ស៊ីម៉ង​ដ្ឋ៍​។​

​ក្នុង​សភាព​ញ័ៗ​  លោកតា​ យិ​ត​ សា​រិ​ន​ បន្ត​ថា​ ធ្វើ​ពុម្ព​ហើយ​ទើប​គេ​ចាប់ផ្តើម​បិត​ពុម្ព​ដោយ​មាន​កូ​បាយ​មាន​ ដែល​កូ​ពី​ម្សៅ​ឆា​បន្ទាប់​មក​ញី​ក្រដាស​និង​ត្រាំ​ទឹក​ហើយ​បិត​ពុម្ព​ស៊ីម៉ង​ដ្ឋ៍​ដែល​យក​ចាក់​រួច​ហើយ​នោះ​ ។​

​ភាពស៊ាំ​ញ៉ាំ​នៃ​ការ​ធ្វើ​មុខ​ល្ខោនខោល​នេះ​មិន​មាន​តែ​ប៉ុន​នឹង​ទេ​តែ​មានកា​ងារ​ជា​ច្រើន​ទៀត​។​ លោក​បន្ត​ថា​ក្រោយ​ពី​បិត​និង​ ហាលថ្ងៃ​អស់​រយៈពេល​ពេល​២​ ឬ​៣​ថ្ងៃ​រួច​មក​ទើប​ចាប់ផ្តើម​កាត់​ និង​ផ្គុំ​ក្បាល​ចូល​គ្នា​ ។​

lakhorn-2
​ជា​ជំនឿ​លោក​ព្រឹទ្ធាចារ្យ​ យិ​ត​ សា​រិ​ន​ ថា​មុន​ចុះ​ច្រមុះ​ភ្នែក​និង​មាត់​គេ​ត្រូវ​ ការ​សុំ​ខ​មា​ល​ទោស​ ពី​គ្រូ​ឧ​ប​ធ្យា​ជា​មុន​សិន​បើ​មិន​ដូច្នេះ​ទេ​និង​មាន​ជំងឺ​ជា​មិន​ខាន​ ។​

​ចំពោះ​ការ​ធ្វើ​ពិធី​ថ្វាយ​គ្រូ​គឺ​ភាគច្រើន​គេ​ប្រារព្ធ​ឡើង​នូវ​ថ្ងៃ​ព្រ​ហ​ស្ប​ត្តិ៍​ ដោយ​លោក​បាន​លើក​ហេតុផល​យ៉ាង​ដូច្នេះ​ថា​ ។​

​ចំពោះ​ការ​គូរ​ក្បាច់រចនា​នៅ​លើ​មុខ​ក៏​ជា​ចំណុច​សំខាន់​ដែរ​ គឺ​ត្រូវ​ឱ្យ​មានការ​ប្រុង​ប្រ​យ​ត្ន័​ ។​ លោក​ព្រឹទ្ធាចារ្យ​យិ​ត​សា​រិ​ន​បន្ត​ថា​ការ​ដាក់​តួ​នីមួយៗ​ ឲ្យ​បាន​ច្បាស់​ដូច​ជា​តួ​ព្រះ​រៀម​ត្រូវ​ប្រើ​ពណ៌​ខៀវ​ព្រះ​ល​ក្ស៏​ពណ៌​សាច់​ជាដើម​។​

​លោក​ព្រឹទ្ធាចារ្យ​ យិ​ត​ សា​រិ​ន​ មាន​ប្រសាសន៍​ ទាំង​មាន​ភាព​ជឿជាក់​ថា​មុខ​ល្ខោនខោល​ដែល​លោក​ធ្វើ​មាន​ទម្ងន់​ពី​១​ ទៅ​ ២​គីឡូ​ក្រោម​ ។​

​បច្ចុប្បន្ន​ លោកតា​ យិ​ត​ សា​រិ​ន​ វ័យ​កាន់​ចាស់​ណាស់​ទៅ​ហើយ​លោក​បន្ត​ទាំង​ទឹកមុខ​ស្រពោន​ថា​ការងារ​ធ្វើ​មុខ​និង​រាំ​ល្ខោនខោល​ដូច​លោក​គឺ​កូន​ និង​ចៅ​របស់​លោក​មិន​បន្ត​ស្នាដៃ​ពី​លោក​ទេ​ ព្រោះ​ពួក​គេ​បាន​ចាប់​យក​ជំនាញ​ផ្សេងៗ​វិញ​  ចំណែក​ក្មេងៗ​ដែល​ចាប់អារម្មណ៍​ក៏​មិន​មាន​ទៀត​ដែរ​ ។​ លោក​ព្រឹទ្ធាចារ្យ​ ល្ខោនខោល​ ជើង​ចាស់​រូប​នេះ​ បង្ហាញ​ក្ដី​បារ​ម្ម​ណ៍​ពី​អ្នក​បន្តវេន​ពៅ​លោក​ ទៅ​ថ្ងៃ​មុខ​ទៀត​ ៕ ​

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

សាស្ដ្រាចារ្យចម្រៀងបុរាណ៖ ធនធានអ្នកច្រៀងបុរាណមានមិនដល់១០នាក់ផងដែលអាចប្រើការបានកម្ពុជា

គេតែងតែលឺចម្រៀងបុរាណនៅតាមពិធីបុណ្យជាតិនានា ជា[...]

បទយកការណ៍៖ យុទ្ធនាការ១៦ថ្ងៃនៃទិវាសិទ្ធិមនុស្សឆ្នាំនេះផ្តោតលើ«ស្ត្រីរួមគ្នាដើម្បីសិទ្ធិការងារ»និង«ការផ្សព្វផ្សាយបញ្ហាហឹង្សាលើស្រី្តដោយប្រុងប្រយ័ត្ន»

ភ្នំពេញ៖ ទិវាសិទ្ធិមនុស្សឆ្នាំ២០២២នេះ ស្ថាប័ន[...]

បទយកការណ៍៖ អាណាព្យាបាលមកលើកទឹកចិត្តកូននៅមុខមណ្ឌលប្រឡងចង់ឃើញកូនៗទទួលបានជោគជ័យចេញពីសមត្ថភាពពិតប្រាកដ

ភ្នំពេញ៖ ការប្រឡងសញ្ញាបត្រមធ្យមសិក្សាទុតិយភូម[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x