ភ្នំពេញ៖ ក្រសួងបរិស្ថានបានបង្កើតសកម្មភាពជិះកង់ដើម្បីបរិស្ថាននិងមនុស្សធម៌ នៅព្រឹកថ្ងៃទី ២៦ មិថុនា ២០១៦ នេះ ដោយមានអ្នកចូលរួមពីគ្រប់មជ្ឈដ្ឋានជាច្រើននាក់។ នេះបើតាមយោងតាមហ្វេសប៊ុកផ្លូវការរបស់ក្រសួងបរិស្ថាន។
នាយកដ្ឋានអប់រំបរិស្ថាននៃអគ្គនាយកដ្ឋានចំណេះដឹង និង ព័ត៌មានបរិស្ថាន បានសហការជាមួយអង្គការ Global Peace Foundation ដើម្បីរៀបចំកម្មវិធីជិះកង់ ដើម្បីបរិស្ថាន និង មនុស្សធម៌ នៅរាជធានីភ្នំពេញ ចាប់ពីមុខសាកលវិទ្យាល័ភូមិន្ទភ្នំពេញ ទៅភូមិអណ្តូង សង្កាត់គោករកា ខ័ណ្ឌព្រែកព្នៅ។
កម្មវិធីនេះ ធ្វើឡើងក្នុងគោលបំណង ដើម្បីបញ្ជ្រាបការអប់រំបរិស្ថាន ទាក់ទងនឹងការកាត់បន្ថយឧស្ម័នផ្ទះកញ្ចក់ និងការគៀងគរថវិកាសប្បុរសធម៌ ដើម្បីជួយកុមារកំព្រានៅសហគមន៍ភូមិអណ្តូង សង្កាត់គោករកា ខ័ណ្ឌព្រែកព្នៅ។ កម្មវិធីនេះ ស្ថិតក្រោមអធិបតីភាព លោកស្រី ព្រំ សុភី អនុរដ្ឋលេខាធិការក្រសួងបរិស្ថាន។
