ភ្នំពេញ៖ គម្រោង«ផ្តល់ភាពអង់អាចដល់ស្ត្រីផ្នែកសេដ្ឋកិច្ច»ដែលរៀបដោយក្រសួងកិច្ចការនារី សហការជាមួយសហពន្ធ័ស្ត្រីអ្នកជំនួញកម្ពុជា(CWBF)មានការគាំទ្រពីក្រុមហ៊ុនកូកាកូឡា បានសម្រេចជួយមុខរបរស្ត្រីក្រីក្រកម្ពុជាជាមួយនឹងជួយមធ្យោបាយធ្វើជំនួញ ។
គម្រោងមួយនេះនឹងផ្តល់រទេះ ២០ គ្រឿងដោយមិនគិតថ្លៃឲ្យស្ត្រី ២០ នាក់ដែលមានជីវភាពក្រីក្ររស់នៅជាយរាជធានីភ្នំពេញ។ គំរោងនេះបានការជួយឧបត្ថម្ភផងដែរដោយក្រុមហ៊ុនកូកាកូឡា។
ក្នុងបទសម្ភាសន៍មួយជាមួយវិទ្យុស្ត្រី លោកស្រី ចេន សុភាព សមាជិតនៃគណកម្មការគម្រោងផ្តល់ភាពអង់អាចដល់ស្ត្រីផ្នែកសេដ្ឋកិច្ច នៃសហពន្ធ័ស្ត្រីអ្នកជំនួញកម្ពុជា(CWBF)និយាយថា គម្រោងនេះមានបំណងជំរុញឲ្យស្រី្តដែលក្រីក្រគ្មានចំណេះដឹង ឱ្យមានជំនាញផ្ទាល់ខ្លួន និង មានជីវភាពកាន់តែល្អប្រសើរ។ លោកស្រីបន្តថា ស្ត្រីទាំងនោះក៏ទទួលបានការបណ្តុះបណ្តាលផ្សេងពីគម្រោងផងដែរ។
តើស្ត្រីក្រីក្រនៅក្នុងតំបន់់ណាខ្លះដែលអាចទទួលបានគម្រោងមួយនេះ?
ដើម្បីជ្រាបសូមស្ដាប់បទសម្ភាសន៍រវាងកញ្ញាច្រឹកស្រីអូននិងអ្នកស្រី ចេន សុភាព ដូចតទៅ៖
