ភ្នំពេញ៖ អាជ្ញាធរជាតិអប្សរាទាមទារឲ្យគណបក្សសង្គ្រោះជាតិ សុំច្បាប់ឲ្យបានត្រឹមត្រូវមុននឹងប្រារព្ធពិធីបែបសាសនា នៅខេត្តសៀមរាម នៅថ្ងៃទី ១៩ ខែមិថុនា ខាងមុខនេះ។ ការចេញសេចក្តីប្រកាសនេះ ធ្វើឡើងបន្ទាប់ពីគណបក្សសង្គ្រោះជាតិ បានប្រកាសថា នឹងរៀបចំធ្វើពិធីបែបសាសនាមួយនៅលើទឹកដីអង្គរ ខេត្តសៀមរាម នៅថ្ងៃអាទិត្យសប្តាហ៍នេះ។
យោងតាមសេចក្តីប្រកាសព័ត៌មានចុះផ្សាយនៅថ្ងៃទី ១៧ ខែ មិថុនានេះ បញ្ជាក់ថា អាជ្ញាធរជាតិអប្សរាមិនទាន់ទទួលបានលិខិតផ្លូវការពីគណបក្សសង្គ្រោះជាតិ ដែលមានបំណងជួបជុំគ្នាធ្វើពិធីបែបសាសនានេះនៅឡើយទេ។
អាជ្ញាធរជាតិអប្សរាបានអំពាវនាវឲ្យគណបក្សប្រឆាំងរូសរាន់មកដាក់លិខិតសុំច្បាប់ ឲ្យបានត្រឹមត្រូវពីអាជ្ញាធរ ដើម្បីអាចប្រារព្ធពិធីនេះបាន។
អាជ្ញាធអប្សរាក៏បានបង្ហាញក្តីបារម្ភថា ការមិនសុំច្បាប់ធ្វើវិធីសាសនានេះ អាចនឹងប៉ះពាលដល់សន្តិសុខ សណ្តាប់ធ្នាប់ របៀបរៀបរយ និងប៉ះពាលដល់បេតិកភណ្ឌ៕
