US៖ បេក្ខជនប្រធានាធិបតីនៃគណបក្សសាធារណរដ្ឋលោក ដូណាល់ត្រាំ(Donald Trump) និយាយថា លោកចងឱ្យមានច្បាប់រឹតបន្តឹងការប្រើប្រាស់អាវុធ ដែលជាប្រយហោជន៍រាំងខ្ទប់ការទិញអាវុធយកមកប្រើប្រាស់ដោយខុច្បាប់ ។
តាមបណ្ដាញផ្សាយព័ត៌មាន BBC ការថ្លែងរបស់លោក ដូណាល់ត្រាំ ធ្វើឡើងនៅប៉ុន្មានថ្ងៃបន្ទាប់ពីមានការវាយប្រហារនៅក្រុង Orlando ដោយសម្លាប់មនុស្សជិត ៥០ នាក់ កាលពីថ្ងៃអង្គារនៅក្នុងការវាយប្រហារមួយ លើក្លឹបរបស់អ្នកស្រឡាញភេទដូចគ្នា ។
បេក្ខជនរូបនេះបានបន្តថា លោកជួបជាមួយសមាគមប្រើប្រាស់អាវុធរបស់ប្រទេសលោក ដើម្បីពិភាក្សារឿងនេះ។ មកដល់ ពេលនេះលោក ដូណាល់ត្រាំ ទទួលបានការគាំទ្រកាន់តែខ្លាំង ដោយសារតែលោកនិយាយពីការសិទ្ធិប្រើប្រាស់អាវុធ ។
កាលពីថ្ងៃពុធ លោកអះអាងថា លោកនឹងជួបជាមួយសមាគមប្រើប្រាស់អាវុធ ដែលសមាគមនេះ បានទទួលយកការបក ស្រាយរបស់លោក ។ លោក ដូលណាល់ត្រាំ ព្រមានថា ពួកភេរវជននៅបន្តឈ្នះទៀត នោះគឺដោយសារតែអ្នកនយោបាយមួយចំនួន ដូចជាលោកស្រី Hillary Clinton មិនផ្ដោតលើសិទ្ធិនៃការកាន់អាវុធ ។
កាសែត New York Times ចុះផ្សាយថា ប្រធានបទនៃការប្រើប្រាស់អាវុធអាចជាគន្លឹះធ្វើឱ្យលោក ដូណាល់ត្រាំ អាចឈ្នះការបោះឆ្នោត។
អាមេរិកនឹងបោះឆ្នោតប្រធានាធិបតីនៅថ្ងៃទី ៨ វិច្ឆិកា ឆ្នាំ២០១៦ ។ លោក ដូណាល់ត្រាំ និង លោកស្រី Hillary Clinton ដែលជាបេក្ខជនសម្រាប់តំណែងនេះ ត្រូវគេរំពឹងពួកគេនឹងចោទសួរយ៉ាងខ្លាំងអំពីសិទ្ធិនៃការប្រើប្រាស់អាវុធ៕
ប្រភព:BBC
