ភ្នំពេញ៖ សមត្ថកិច្ចកម្ពុជា បាននិយាយថាជនជាតិចិន និងចិនតៃវ៉ាន់ ចំនួន២៧នាក់ ត្រូវបានចាប់ខ្លួន កាលពីថ្ងៃអង្គារទអី១៤ មិថុនា ករណីពាក់ព័ន្ធនឹង ការចាប់ជំរិត ជនជាតិពួកគេតាម ប្រព័ន្ធទូរគមនាគមន៍ ។ នេះ បើយោងតាមទីភ្នាក់ងារសារព័ត៌មានចិន Xinhua ។
អាជ្ញាធរកម្ពុជាបានបញ្ជូន ជនជាតិចិន២០០នាក់ ចាប់តាំងពី ខែវិច្ឆិកាឆ្នាំ២០១៥ ក្នុងការបង្ក្រាបមួយ លើបទល្មើសអ៊ីនធើណែត ។
លោក អ៊ុក ហៃ សីឡា ប្រធានស៊ើបអង្កេតនៃនាយកដ្ឋានអន្តោប្រវេសន្ត និយាយថា មនុស្សទាំងនោះ គឺ១៥នាក់ជាជាតិចិនប៉េកាំង និង ចិនតៃវ៉ាន់ ១២នាក់ ។ លោកថា ពួកគេនឹង ត្រូវ បញ្ជូនទៅ ប្រទេសពួកគេវិញ នៅពេលឆាប់ៗនេះ ។
តាមរបាយការណ៍របស់ទីភ្នាក់ងារសារព័ត៌មានចិន Xinhua មនុស្ស៧៧០០នាក់ ត្រូវបានឃាត់ខ្លួន ក្រោមប្រតិបតិ្តការស៊ើបអង្កេតរួមគ្នា គឺមានសមត្ថកិច្ចកម្ពុជា ឥណ្ឌូនេស៊ី ហ្វីលីពីនប៉ុន្តែក្នុងនោះ ជនជាតិតៃវ៉ាន់ មាន៤៦០០នាក់ ៕ ប្រភព: Xinhua
