ភ្នំពេញ៖ ប្រធានគណៈកម្មាការនាយក នៃគណបក្សសង្គ្រោះជាតិ បានលើកឡើងថា គណបក្សប្រជាជនកម្ពុជា កំពុងប្រើល្បិចគេចវេស ពីការចរចា និងវប្បធម៌សន្ទនា ដែលខុសពីអ្វី ធ្លាប់អះអាងថាមិនដែលបិទផ្លូវចរចារ ។ នៅក្នុងសន្និសីទសារព័ត៌មាន មុខទីស្នាក់ការបក្ស នាព្រឹកថ្ងៃទី២មិថុនា នេះ លោក ប៉ុល ហំម បានថ្លែងចាត់ទុក ថាការអះអាងរបស់គណបក្សប្រជាជនកម្ពុជាដែលថា ទ្វារនៅតែបើកចំហ ថា ជាល្បិចគេចវេសពីរឿងចរចារ ខណៈគណបក្សលោកព្យាយាមស្វែងរកការចចារ ជាច្រើនលើកតែមិនអាចទៅរួច ។
លោក ប៉ុល ហំម បានបន្ដថាការដែលគណបក្សកាន់អំណាចគេចវេស ពីការចរចាគឺទំនងជា គណបក្សកាន់អំណាចនេះ រវល់ខ្លាំងជាមួយនិងរឿងស៊ើបអង្កេត ដើម្បីតាមចាប់អ្នកនេះបន្តិច អ្នកនោះបន្តិច យកទៅពន្ធធនាគារ ។
លោក ថាឥលូវនេះរដ្ឋាភិបាលមិនត្រឹមតែប្រកាសសង្គ្រាម ជាមួយគណបក្សសង្គ្រោះជាតិនោះទេ សូម្បីតែសង្គមស៊ីវិល និងគ.ជ.ប ក៏មិនលើកលែងដែរ ។
ទោះជាយ៉ាងណា លោក សុខ ឥសាន្ដ អ្នកនាំពាក្យបក្សប្រជាជនកម្ពុជា បានឆ្លើយតបថា គណបក្សប្រជាជនកម្ពុជា មិនដែលបិទផ្លូវចរចានោះទេគឺថា បើគណបក្សសង្គ្រោះជាតិ ចង់ចរចាពិតមែននោះ គឺរដ្ឋាភិបាលស្វាគមន៍ជានិច្ច ។
ប៉ុន្តែអ្នកនាំពាក្យរូបនេះ បានទទូចឱ្យគណបក្សសង្គ្រោះជាតិប្រាប់ថាតើ ប្រធានសភាសំឡេងភាគតិច ណាមួយត្រូវមក ចរចារជាមួយបក្សកាន់អំណាច ។
ជុំវិញរឿងនេះដែរ អ្នកវិភាគព្រឹត្តិការណ៍នយោបាយ លោក សូ ចន្ថា មានប្រសាសន៍ថា ការពិតទៅបើសិនជាគណបក្សទាំងពីរ មិនឆាប់ស្វែងរកដំណោះស្រាយមួយ តាមវិធីចរចាគ្នាទេ អ្វីដែលនឹងអាចកើតមាន គឺអំពើហិង្សានៅក្នុងសង្គម
នឹងអាចកើតមានឡើងពីព្រោះ ខាងរដ្ឋាភិបាលអាងប្រើកម្លាំងសមត្ថកិច្ចដើម្បីបង្ក្រាប ហើយខាងគណបក្សសង្គ្រោះជាតិ អាងប្រើកម្លាំងរបស់ប្រជាពលរដ្ឋ ដើម្បីចូលរួមការពារលោក កឹម សុខា ។ លោក ថាបញ្ហានយោបាយនៅកម្ពុជានឹង
ឡើងកម្ដៅខ្លាំងជាងនេះ ហើយធ្វើឱ្យប្រជាពលរដ្ឋមានការព្រួយបារម្ភ និងកាន់តែភ័យខា្លច ចំពោះស្ថានការណ៍នយោបាយ ។
លោកព្រមានថា បើមិនមានការចរចារទាន់ពេលទេនោះ គឺកម្ពុជាកាន់តែបែកបាក់ ។
រហូតមដល់ពេលនេះ សកម្មជន និងមន្ត្រីជាន់ខ្ពស់ គណបក្សសង្គ្រោះជាតិ ជិត២០នាក់ហើយ ត្រូវនាំខ្លួនទៅឃុំនៅពន្ធនា
គារព្រៃស ក្នុងនោះមានអ្នកតំណាងរាស្ត្រ ២រូប គឺ លោក ហុង សុខ ហួរ និង លោក អ៊ុំ សំអាន ដែលពួកគាត់ទាំង២នេះ ឃុំខ្លួន ពាក់ព័ន្ធករណីព្រំដែន ជាមួយប្រទេសវៀតណាម ។ ចំពោះវិបត្តិនយោបាយនេះ គឺក្រៅពីស្វះស្វែងរកដំណោះស្រាយ ក្នុងប្រទេស គណបក្សប្រឆាំងនេះ ក៏ស្វែងរកអន្តរាគមន៍ពី សហគមន៍អន្តរជាតិ ផងដែរ ៕
