ប្រធានក្រុមប្រឹក្សារដ្ឋនៃប្រទេសភូមាលោកស្រី អ៊ុងសាន ស៊ូជី នឹងចាប់ផ្ដើមធ្វើទស្សនៈកិច្ចដែលគេហៅថាទស្សនៈកិច្ចឧទ្ទេសនាម នៅខែមិថុនាខាងមុខនេះគឺដំបូងលោកស្រីចាប់ផ្ដើមទៅកាន់រាជាណាចក្រថៃ ដែលនៅទីនោះពលករភូមាជាច្រើនសែននាក់កំពុងបំរើការងារលើគ្រប់វិស័យរបស់រាជាណាចក្រនេះ ។
លោក Zaw Htay អ្នកនាំពាក្យការិយាល័យប្រធានាធិបតី បានបញ្ជាក់ថាទស្សនៈកិច្ច របស់ លោកស្រី អ៊ុងសាន ស៊ូជី ទៅថៃនឹងចាប់ផ្ដើមនៅខែក្រោយហើយអាចនឹងធ្វើឡើងនៅថ្ងៃ២៣ឬ២៥មិថុនា ប៉ុន្ដែប្រភពខ្លះបានឲ្យដឹងថាប្រធានាធិបតី ទិនចូវ ក៏នឹងរួមដំណើរជាមួយលោកស្រីអ៊ុងសាន ស៊ូជី ផងដែរ ។
លោកស្រី អ៊ុងសាន ស៊ូជី បច្ចុប្បន្នកាន់មុខតំណែងមួយទៀតគឺររដ្ឋមន្ដ្រីការបរទេស ។ ដំណើរទស្សនៈកិច្ចរបស់លោកស្រីនេះត្រូវបានគេហៅថាជាទស្សនៈកិច្ចឧទ្ទេសនាម ក្នុងនាមជារដ្ឋមន្ដ្រីការបរទេសថ្មី នៃប្រទេសសមាជិកសមាគមន៍អាស៊ាន ៕ ប្រភព៖Irrawaddy
