រោងចក្រមួយក្នុងទីក្រុង Jinhua របស់ចិនដែលល្បីខាងផលិតស្រោមមុខជ័រសិប្បនិមិត្តរបស់តារា និងបុគ្គល ល្បីឈ្មោះ ពេលនេះបានចាប់ផ្ដើមផលិតស្រោមមុខបេក្ខភាពប្រធានាធិបតីអាមេរិក២រូប គឺលោក Donald Trump និងលោកស្រី Hillary Clinton។
ការផលិតស្រោមមុខរបស់រោងចក្រខាងលើបន្ទាប់ពីលោក Trump និងលោកស្រី Clinton កំពុងមាន ប្រជាប្រិយភាពពីពលរដ្ឋអាមេរិកកាំងសម្រាប់ការបោះឆ្នោត ប្រធានាធិបតីលើកនេះ។ បើតាមសំដី ប្រធានគ្រប់គ្រងទូទៅឈ្មោះ Chen បានឲ្យដឹងថាគ្រាន់តែ៦ខែ ដើមឆ្នាំ២០១៦រោងចក្ររបស់លោកមានអតិថិជនកុម្ម៉ង់ទិញស្រោមមុខច្រើន ជាង៥សែន។
មូលហេតុនៃតម្រូវការដ៏ច្រើនសន្ធឹកនេះដោយសារតែ ចំនួនអ្នកគាំទ្របេក្ខភាពប្រធានាធិបតីទាំងពីរមានចំនួន ច្រើន តែមិនប្រាកដថាអ្នកដែលទិញស្រោមមុខ Trump ឬclinton សុទ្ធតែជាអ្នកគាំទ្រទាំងអស់ទេ ពួកគេក៏អាចជាអ្នកប្រឆាំង ឬស្អប់ក៏ថាបាន៕
ប្រភព៖ www.news.sabay.com.kh
