ភ្នំពេញ៖ រដ្ឋមន្ត្រីក្រសួងការពារជាតិកម្ពុជា លោកទៀ បាញ់ នឹងអញ្ជើញទៅចូលរួមកិច្ចប្រជុំកំពូលសន្តិសុខអាស៊ីលើកទី១៥ នៅសាធារណរដ្ឋសិង្ហបុរី ចាប់ពីថ្ងៃទី ០៣ ដល់ថ្ងៃទី០៥ ខែមិថុនា ឆ្នាំ ២០១៦ ខាងមុខនេះ។
យោងតាមសេចក្តីប្រកាសព័ត៌មានរបស់ក្រសួងការពាជាតិកម្ពុជា បានអោយដឹងថា កិច្ចប្រជុំកំពូលសន្តិសុខអាស៊ីលើកទី ១៥ ដែលប្រប្រព្រឹត្តិទៅនៅពេលខាងមុខនេះ រួមមានសម័យប្រជុំពេញអង្គ និងសម័យប្រជុំពិសេស ដែលផ្តល់នូវវិសាលភាពសម្រាប់កិច្ចពិភាក្សាដ៏ទូលំទូលាយទៅលើនិន្នាការសន្តិសុខតំបន់សំខាន់ៗ ដូចជាអនុញ្ញាតឲ្យពិនិត្យពិច័យយ៉ាងពិស្តារ លើប្រធានបទទាក់ទងនឹងតំបន់នាពេលបច្ចុប្បន្ន៕
