ភ្នំពេញ ៖ អង្គការដែលធ្វើការពាក់ព័ន្ធ និងការបោះឆ្នោត រួមជាមួយ មន្ត្រីមកពីគណៈកម្មាធិការជាតិរៀបចំការបោះឆ្នោត បានរៀបចំកិច្ចពិគ្រោះយោបល់ថ្នាក់ជាតិ ស្ដីពី « ការចុះឈ្មោះបោះឆ្នោតសម្រាប់យុវជន» ។ ក្នុងកម្មវិធីនោះ លោក យ៉ង់ គឹមអេង ប្រធានមជ្ឈមណ្ឌលប្រជាពលរដ្ឋដើម្បីការអភិវឌ្ឍន៍ និងសន្តិភាព បានលើកឡើង ពីរបាយការណ៍នៃការស្រាវជ្រាវ បានបង្ហាញថា យុវជនប្រមាណ៩៦ភាគរយនឹងទៅបោះឆ្នោត ។ ក្នុងកម្មវិធីនោះដែរក៏មានការ ចែករំលែក ការចូលរួមតាមដានការចុះឈ្មោះបោះឆ្នោត និងយល់ដឹងការចុះឈ្មោះបោះឆ្នោតរបស់យុវជន ។
ពីធីនេះបានធ្វើឡើងនៅ មជ្ឈមណ្ឌលដាយកូនៀ នៅថ្ងៃ២៧ខែឧសភា ឆ្នាំ២០១៦ ។ កញ្ញា ច្រឹក ស្រីអូន មានសេចក្តីរាយកាណ៍ ៖
ក្នុងកម្មវិធីនោះ លោក យ៉ង់ គឹមអេង បានធ្វើការពន្យល់ ដោយដាក់បង្ហាញរបាយការណ៍នៃការស្រាវជ្រាវ ការប៉ាន់ប្រមាណសមត្ថភាពយុវជនអំពីការបោះឆ្នោត ។
តាមលោក យ៉ង់ គឹមអេង យុវជនប្រមាណ៩៦ភាគរយនឹងទៅបោះឆ្នោតព្រោះពួកគេថាវាមានសារៈសំខាន់ និងជាកាតព្វកិច្ច របស់គេ ។ លោកបានបន្តថា ទោះបីជាយុវជមានការចាប់អារម្មណ៍ច្រើនទៅលើការកាបោះឆ្នោតក៏ដោយ ប៉ុន្តែគេនៅតែបង្ហាញក្តីព្រួយបារម្ភ ហើយ ចង់ដឹងពីព័ត៌មានជុំវិញការបោះឆ្នោត និងកត្តាផ្សេងៗទៀត ។
ដូចគ្នានេះដែរ លោក សំ គុណធាមី ប្រធានអង្កការមួយឃ្លាំមើលការបោះឆ្នោតហៅថានិចហ្វិច បានលើកឡើងថា បច្ចុប្បន្ន យុវជនរស់នៅ តាមទីក្រុង ទទួលបានព័ត៌មាន ពីការបោះឆ្នោត ច្រើនជាងយុវជននៅជនបទ ។
លោកបានបន្តថាការចាប់អារម្មណ៍របស់យុវជន និងប្រជាពលរដ្ឋជាប្រការល្អ ដើម្បីឲ្យដំណើរការនៃការបោះឆ្នោតកាន់តែមានភាពល្អប្រសើរឡើង ។ លោកសង្ឃឹមថាការការចុះឈ្មោះឆ្នោតថ្មីនេះនឹងផ្តល់សុក្រិតភាព ។
ជុំវិញនៃដំណើរការចុះឈ្មោះបោះឆ្នោតថ្មីនេះលោក សោម សូរីដា អគ្គលេខាធិការរង នៃគណៈកម្មាការជាតិរៀបចំការបោះឆ្នោត បានលើកឡើងថា ការចុះឈ្មោះបោះឆ្នោត អាចធានាភាពជឿជាក់បាន ធានាសុក្រិត្យភាព៩៩,៥% ដោយធានាមិនឲ្យមានឈ្មោះខ្មោចនោះឡើង ។ ប៉ុន្តែលោកបញ្ចាក់ថា យុវជនដែលអាចចូលរួមក្នុងការបោះឆ្នោតបានទាល់តែពួកគាត់បានចុះឈ្មោះបោះឆ្នោត ។
នៅក្នុងប្រទេសកម្ពុជា មានការបោះឆ្នោតជាតិ៥លើករួចមកហើយ ប៉ុន្តែកន្លងមកតែងតែមានការរិះគន់ថាការបោះឆ្នោតមិនមានការត្រឹមត្រូវ ។ តែបែបនេះក្ដីនៅក្នុងអាណត្តិនេះក៏មានការកែទម្រង់ ស្ថាប័នគ.ជ.ប ដោយសង្ឃឹមថាមានសុក្រិត្យជាងមុន ។ នៅក្នុងការបោះឆ្នោតជាតិឆ្នាំ២០១៣ យុវជនត្រូវបានគេមើលឃើញថាបានដើរតួយ៉ាងសកម្ម ៕
