ភ្នំពេញ៖ ក្រសួងរ៉ែ និងថាមពល បានប្រកាសថា ការផ្តល់អាជ្ញាប័ណ្ណឱ្យក្រុមហ៊ុនឯកជនបើកអាជីវកម្មបូម ខ្សាច់ គឺ ក្រសួងអនុវត្តន៍យ៉ាងមានតម្លាភាព ដើម្បីធានាបាននូវការការពារធនធានបរិស្ថាន។
បើតាមទីភ្នាក់ងារព័ត៌មាន AKP លោក ឌិត ទីណា រដ្ឋលេខាធិការ និងជាអ្នកនាំពាក្យក្រសួងរ៉ែ និងថាមពល បានមាប្រសាសន៍ថា ក្រសួងបានពិនិត្យនិងសិក្សាពីស្ថានភាពមេកានិកនៅ បាតទន្លេ អំពីលទ្ធភាពបាក់ច្រាំង និងហេតុផលប៉ះពាល់បរិស្ថានមុនអនុញ្ញាតិដេញថ្លៃ និងចេញអាជ្ញាប័ណ្ណ ឱ្យក្រុមហ៊ុនបូមខ្សាច់ និងម្ចាស់អាជីវកម្មទាំងអស់ដើម្បីធានាហានិភ័យ និងការប៉ះពាល់ដល់បរិស្ថាន។ លោកបានបញ្ជាក់ថា មុននឹងក្រសួងអនុញ្ញាតឱ្យក្រុមហ៊ុនឯកជនធ្វើអាជីវកម្មបូមខ្សាច់បានគឺត្រូវមាន ការត្រួតពិនិត្យសម្ភារៈបច្ចេកទេស និងដំណើរការបូមយ៉ាងច្បាស់លាស់ទើបឈានទៅដាក់ដេញថ្លៃជាសាធារណៈ ដើម្បីសម្រេចប្រគល់សិទ្ធិឱ្យក្រុមហ៊ុនណាមួយចាប់ផ្តើមបូម។
ការបូមខ្សាច់នៅតាមបាតទន្លេនេះ បានបំពេញតម្រូវការទីផ្សារសំណង់ ដែលទទួលបាន ចំណូលដល់ ថវិកាជាតិគិតត្រឹមត្រីមាសទី១ ឆ្នាំ២០១៦នេះ មានចំនួនប្រមាណ១លាន៦២សែនដុល្លារ។ យោងតាមរបាយការណ៍ក្រសួងរ៉ែនិងថាមពល បានបង្ហាញថា ក្រសួងបានផ្តល់អាជ្ញាប័ណ្ណឱ្យធ្វើអាជីវកម្ម បូមខ្សាច់នៅតាមដងទន្លេមានចំនួនជាង១០អាជ្ញាបណ្ណ ក្នុងនោះមានតំបន់រកាកោង៥អាជ្ញាប័ណ្ណ តំបន់ក្រោមរកាកោង១អាជ្ញាប័ណ្ណ តំបន់ជ្រោយចង្វារ១អាជ្ញាប័ណ្ណ តំបន់ខ្សុំ១អាជ្ញាប័ណ្ណ កោះអន្លង់ចិន ស្ថិតក្នុងស្រុកស្អាង ៤អាជ្ញាប័ណ្ណ និងជ្រៃធំ២អាជ្ញាប័ណ្ណ៕
