ព័ត៌មានផ្សេងៗ

សិស្សសាលាក្មេងៗឡើងភ្នំចោតទៅរៀន ឃើញបុកពោះជំនួស

សិស្សតូចៗនេះរស់នៅក្នុងភូមិ Atuleér តំបន់ស្វ័យយ័ត Liangshan Yi ខេត្តស៊ីឈួន ប្រទេសចិន ដែលភូមិលើជម្រាលភ្នំមាន ៧២ គ្រួសារ និងមានចម្ងាយ ៨០០ ម៉ែត្រដល់ដីខាងក្រោម នៃកំពូលភ្នំកម្ពស់ ១៤០០ ម៉ែត្រ។

សិស្សទាំងនេះមានគ្នាចំនួន ១៥ នាក់អាយុចាប់ពី ៦ ដល់ ១៥ ឆ្នាំ និងចំណាយពេល ២ ម៉ោងឡើងជណ្ដើរ ១៧កន្លែង ដោយមានស្ពាយកាតាបធំ និងចាស់ៗនាំផ្លូវ ៣នាក់ផង។ នៅពេលសិស្សខាងលើ បានទៅដល់សាលាបឋមសិក្សា ពួកគេត្រូវស្នាក់នៅទីនោះរយៈពេល ២សប្ដាហ៍ ទើបឡើងភ្នំទៅលេងគ្រួសារម្ដង។

ឪពុកក្មេង វ័យ ៣០ ឆ្នាំម្នាក់លោក Chen Guji ប្រាប់ថា គាត់តែងតែជូនកូនខ្លួន និងសិស្សដទៃទៅសាលា ពេលពួកគេចុះឬឡើងភ្នំ តែវានៅតែជាគ្រោះថ្នាក់សម្រាប់ពួកគេ ហើយសិស្សទាំងអស់ត្រូវក្រោកចេញដំណើរម៉ោង ៦ព្រឹក។

បើតាមប្រភព ភូមិតាមជម្រាលភ្នំនេះមានអាយុកាល ២០០ឆ្នាំហើយ ចំពោះមូលហេតុអ្នកស្រុកតាំងទីលំនៅទីនោះ ព្រោះពួកគេអាចដាំដុះលើដីដ៏សម្បូរជីវជាតិដោយខ្លួនឯង បាន៕