ភ្នំពេញ ៖ ប្រធានស្តីទីគណបក្សសង្គ្រោះជាតិ លោក កឹម សុខា ត្រូវបានព្រះរាជអាជ្ញារងអមសាលាដំបូងរាជធានីភ្នំពេញ លោក សៀង សុខ កោះហៅឱ្យចូលបំភ្លឺជាលើកទី ២ ពាក់ព័ន្ធនឹងអំពើសញ្ចារកម្ម នៅថ្ងៃទី ២៦ខែឧសភា ឆ្នាំ២០១៦ វេលាម៉ោង ៩: ០០ ខាងមុខ ។ នេះបើតាមដីកាកោះ ចុះថ្ងៃទី ១៧ខែឧសភា ។
ការកោះហៅអនុប្រធានគណបក្សសង្គ្រោះជាតិឱ្យចូលបំភ្លឺនេះ ធ្វើឡើងតាមពាក្យបណ្តឹងរបស់កញ្ញា ខុម ចាន់ដារាទី ហៅស្រីមុំ ។
សូមបញ្ជាក់ថា សាលាដំបូងរាជធានីភ្នំពេញ ធ្លាប់បានចេញដីកាកោះហៅ លោក កឹម សុខា ម្តងរួចមកហើយ កាលពីថ្ងៃទី ០៦ខែឧសភា ឱ្យចូលបំភ្លឺសំនុំរឿងនេះ នៅថ្ងៃទី ១៧ឧសភា តែលោក កឹម សុខា មិនបានចូលខ្លួនបំភ្លឺតាមដីកាកោះនេះឡើយ ៕
