អន្តរជាតិ ៖ អាជ្ញាធរទីក្រុងហុងកុងបានដាក់ពង្រាយប៉ូលិសជាង៦ពាន់នាក់ដើម្បីរឹតបន្ដឹងសន្ដិសុខការពារមេដឹកនាំចិនម្នាក់ដែលបានមកធ្វើទស្សនកិច្ចនៅទីក្រុងនេះ នៅថ្ងៃម្សិលមិញខណៈ ក្រុមប្រឆាំង ប្រកាសធ្វើបាតុកម្ម ប្រឆាំងឥទ្ធិពលក្រុងប៉េកាំងលើដែនដីអតីតអាណានិគមអង់គ្លេស ។
លោក Zhang Dejiang ទទួលបន្ទុកកិច្ចការទីក្រុងហុងកុងបានមកដល់ទីក្រុងប៉េកាំងកាលពីថ្ងៃអង្គារ គឺភ្លាមៗលោកបានថ្លែងសុន្ទរកថាតែ៥នាទីប៉ុណ្ណោះ ទៅកាន់ប្រជាជនទីក្រុងហុងកុង ដោយលោកបានពាំនាំមកជាមួយនៅការសួរសុខទុក្ខ របស់ប្រធានាធិបតីចិន ស៊ី ជីនភីង ជូនប្រជាជនហុងកុង ។
តាមទីភ្នាក់ងារសារព័ត៌មាន Reuters សាររបស់លោកស៊ី ជីនភីងបានហៅប្រជាជនក្រុងហុងកុងថាជាប្រជាជនចិនតែមួយ ប៉ុន្ដែក្នុងដំណើរទស្សនៈកិច្ចនេះប្រជាជនទីក្រុងហុងកុង មួយចំនួនបានសំដែងការមិនពេញចិត្តហើយបានរិៈគន់ឥទ្ធិពលរបស់ទីក្រុងប៉េកាំងមកលើដែនដីទីក្រុងហុងកុង ។
កាលពីឆ្នាំ២០០៤ក្រុមនិស្សិតដែលដាក់ឈ្មោះខ្លួនឯងថាជា ចលនាប្រជាធិបតេយ្យបានធ្វើបាតុកម្មពាសពេញទីក្រុងនេះដោយទាមទារឲ្យ ក្រុងប៉េកាំងបញ្ឈប់ការត្រួតត្រាលើដែនដីនេះប៉ុន្ដែនៅគ្រានោះមនុស្សជាច្រើននាក់ត្រូវបានចាប់ខ្លួន ។
ប្រទេសអង់គ្លេសបានប្រគល់ទីក្រុងហុងកុង ទៅឲ្យចិនប៉េកាំងគ្រប់គ្រងវិញនៅឆ្នាំ១៩៩៧ ៕
ប្រភព: Reuters
