en     km
en     km

អ្នកនយោបាយ​ល្បីឈ្មោះ​២​រូប​បង្ហាញ​សារ​ខុស​គ្នា​នៅ​ថ្ងៃ​បុណ្យចម្រើនព្រះជន្ម​ព្រះមហាក្សត្រ​

Share

​ភ្នំពេញ​៖​ ហ្វេ​ស​ប៊ុ​ក​របស់​សម្ដេច​នាយក​រដ្ឋមន្ត្រី​បង្ហាញ​ពី​ការ​អបអរសាទរ​ ថ្ងៃ​បុណ្យចម្រើនព្រះជន្ម​ព្រះ​មហា​ក្សត្រ​ដែល​ថា​ ក្រោម​ម្លប់​ដ៏​ត្រជាក់​នៃ​ព្រះមហាក្សត្រ​បាន​ធ្វើ​ឱ្យ​ប្រទេស​ជាតិ​មាន​សុខ​សន្តិភាព​ពេ​ញ​លេញ​ ខណៈ​ហ្វេ​ស​ប៊ុ​ករប​ស់លោក​ សម​ រ​ង្ស៊ី​ បង្ហាញ​វត្តមាន​របស់​លោក​នៅ​ឯ​កិច្ចប្រជុំ​សិទ្ធិ​មនុស្ស​ នៅ​ប្រទេស​ស្វិ​ស​។​

Hun-Sen-Sam-Rangsy-WMC
​សារ​លើ​ទំព័រ​ហ្វេ​ស​ប៊ុ​ក​របស់​សម្ដេច​ ហ៊ុន​ សែន​ សរសេរ​ដូចនេះ​ថា​៖«​ក្រោម​ម្លប់​ដ៏​ត្រជាក់​នៃ​ព្រះមហាក្សត្រ​នៃ​ព្រះរាជាណាចក្រ​កម្ពុជា​ ​និង ​ក្រោម​ការ​ដឹកនាំ​ដ៏​ឈ្លាសវៃ​និង​ប៉ិនប្រសព្វ​របស់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ នាយ​ក​រដ្ឋ​ម​ន្ត្រី​​នៃ​ព្រះរាជាណាចក្រ​កម្ពុជា​ បាន​ធ្វើ​ឱ្យ​ប្រទេស​ជាតិ​មាន​សុខ​សន្តិភាព​ពេញលេញ​ និង​ប្រ​ជា​ពល​រដ្ឋ​​ជា​​ពិសេ​ស​​យុវ​ជន​​កា​ន់​តែ​​មាន​ឱកា​ស​ និង​រីក​​ចម្រើន​​ទៅ​មុ​ខ​ឥ​ត​ឈ​ប់​ឈ​រ​»​។​

​ចំណែកទំព័រ​ហ្វេ​ស​ប៊ុ​ករប​ស់លោក​ សម​ រ​ង្ស៊ី​ បានសរសេរ​ថា​៖​ «​ថ្ងៃនេះ​មាន​កិច្ចប្រជុំ​មួយ​ស្តី​ពី​នីតិរដ្ឋ​និង​សិទ្ធិ​ទទួល​ចំណេះ​​ដឹង​នៅ​ទីស្នាក់ការ​អង្គការសហប្រជាជាតិ​ក្នុង​ទីក្រុង​ហ្សឺ​ណែវ​ ប្រទេស​ស្វី​ស​។​ មាន​តំណាង​ ២៥​ ប្រទេស​បាន​ចូលរួម​ក្នុង​កិច្ចប្រជុំ​នេះ​ហើយ​ខ្ញុំ​អង្គុយ​នៅ​ខាងស្តាំ​បំផុត​»​។​

​អុ្ន​ក​នយោបាយ​ល្បីល្បាញ​ពីរ​រូប​នេះ​ បាន​បែកបាក់​គ្នា​ដោយសារ​តែ​ការ​ប្រើ​វោហា​សាស្ត្រ​នយោបាយ​ រិះគន់​គ្នា​ធ្ងន់ៗ​ ។​ ឥស​រ្យ​ជន​ទាំង​ពីរ​នេះ​ បាន​ស្គាល់​ភាព​ផ្អែមល្ហែម​ជាមួយ​គ្នា​ បាន​ជិត​មួយ​ឆ្នាំ​ តាម​រយៈ​វប្បធម៌​សន្ទនា​ ។​

​លោក​ សម​ រ​ង្ស៊ី​ ជា​ប្រធាន​គណបក្ស​សង្គ្រោះ​ជាតិ​ លោក​កំពុង​រស់នៅ​ជា​អ្នកនយោបាយ​និរទេស​ខ្លួន​ ដោយ​ជាប់​បណ្ដឹង​តាម​ចាប់ខ្លួន​ ករណី​បរិហារកេរ្តិ៍​អតីតរដ្ឋមន្ត្រី​ការ​បរទេស​លោក​ ហោ​ ណាំ​ហុង​ និង​ បណ្ដឹង​ជា​ច្រើន​ទៀត​នៅ​តុលាការ​។​

​ចំណែក​សម្ដេច​ ហ៊ុន​ សែន​ ស្បថ​ថា​លោក​មិន​លើកលែងទោស​ឱ្យ​ លោក​ សម​ រ​ង្ស៊ី​ ជា​ដាច់ខាត​ ហើយ​បើ​លោក​ព្រម​ គឺ​លោក​កាត់​ដៃ​លោក​ក្រ​វែង​ចោល​ ។​ ចាប់ពី​នោះ​មក​ស្ថានភាព​នយោបាយ​ នៅ​កម្ពុជា​បន្ត​ឡើងក​ម្តៅ​ជាប់​មក​ទល់​ពេល​នេះ​ ៕​

Share

Image
Image
Image