ភ្នំពេញ ៖ សម្តេចនាយករដ្ឋមន្ត្រី ហ៊ុន សែន បានឆ្លើយតបជាលើកដំបូងទៅនឹងជនមួយក្រុមដែលកន្លងមក តែងតែបានសរសេរនៅលើទំព័រហ្វេសប៊ុកថាលោក ហ៊ុន ម៉ាណែត មិនមែនជាកូនប្រុសរបស់លោកនោះទេ ដោយទទួចអោយមានការពិនិត្យDNA ។
សម្តេច ហ៊ុន សែន បានបញ្ជាក់នៅក្នុងពិធីចែកសញ្ញាបត្រដល់និស្សិតសាកលវិទ្យាល័យ IIC នៅវិទ្យាស្ថានជាតិអប់រំ ព្រឹកថ្ងៃទី១២ខែឧសភា នេះថា ហ៊ុន ម៉ាណែត គឺពិតជាកូនប្រុសបង្កើតដ៏កំសត់របស់លោកពិតប្រាកដ ។
សម្តេចនាយករដ្ឋមន្ត្រី អះអាងថា អ្នកប្រឆាំងមួយក្រុមបានវាយប្រហារលោក ដោយថាភរិយារបស់លោក គឺជាប្រពន្ធរបស់មេដឹកនាំវៀតណាម និងមានកូនប្រុសម្នាក់គឺលោក ហ៊ុន ម៉ាណែត និងបានយកកូនប្រុសម្នាក់នេះទៅអោយ លោក សុខ អាន ជាអ្នកចិញ្ចឹម ។
សម្តេចនាយករដ្ឋមន្ត្រីបញ្ជាក់ទៅកាន់អ្នកប្រឆាំងលោកថា «បើអ្នកឯងមិនអោយខ្ញុំសុខ ខ្ញុំក៏មិនអោយអ្នកឯងបានសុខដែរ» ។
នាឱកាសនោះដែរសម្តេចនាយករដ្ឋមន្ត្រី ក៏បានលើកសរសើរកូនប្រុសច្បងរបស់លោក គឺលោក ហ៊ុន ម៉ាណែត ថាមានកាយសម្បទាមាំមួន និងរៀនសូត្រពូកែទៀតផង ៕
