ភ្នំពេញ ៖ ប្រធានស្តីទីគណបក្សសង្គ្រោះជាតិលោក កឹម សុខា បានជួបសំណេះសំណាលជាមួយតំណាងយុវជន ដើម្បីពន្យល់ពីស្ថានការណ៍កម្ដៅនយោបាយនាពេលបច្ចុប្បន្ន និងគោលជំហរ របស់គណបក្ស នៅទីស្នាក់ការកណ្តាលស្ថិតនៅសង្កាត់ចាក់អង្រែលើ ព្រឹកថ្ងៃទី១១ខែឧសភា ឆ្នាំ២០១៦នេះ ។
លោក កឹម សុខា នៅទីស្នាក់ការកណ្តាលស្ថិតនៅសង្កាត់ចាក់អង្រែលើ ព្រឹកថ្ងៃទី១១ខែឧសភា ឆ្នាំ២០១៦នេះ
ក្នុងជំនួបនេះ លោក កឹម សុខា បានលើកថា “ថ្ងៃនេះ ថ្ងៃស្អែក យើងនៅតែតស៊ូ ដើម្បីផ្លាស់ប្តូរ និងថាយើងនៅតែរឹងមាំ មិនតក់ស្លុត ឬភ័យខ្លាចនោះទេ គឺយើងឈរលើគោល ជំហរលទ្ធិប្រជាធិបតេយ្យ និង អហិង្សា “ ។
ក្នុងពេលជាមួយគ្នានេះលោក កឹម សុខា ហាក់ទទួលស្គាល់រឿងរបស់គាត់ត្រូវបានវាយប្រហារ លោកយ៉ាងខ្លាំង តែលោកថាលោកមិនចុះញមឡើយ ហើយនៅតែខិតខំបំរើប្រទេសជាតិ ទៅមុខទៀត។
ទន្ទឹមនឹងជូបតំណាងយុវជននេះ លោក កឹម សុខា ត្រូវបានតុលាការចេញដីកាកោះហៅ ឲ្យចូលបំភ្លឺនៅព្រឹកថ្ងៃទី១១ខែឧសភានេះផងដែរ ជុំវិញពាក្យបណ្តឹងពីបទ «បរិហារកេរ្តិ៍» របស់កញ្ញា ធី សុវណ្ណថា ។ ដោយសំអាងលើអភ័យឯកសិទ្ធិរបស់ខ្លួនក្នុងនាមជាតំណាងរាស្ត្រ លោក កឹម សុខា បានបដិសេធ មិនចូលទៅកាន់តុលាការតាមដីកាកោះហៅឡើយ ៕
