ភ្នំពេញ៖ ប្រមុខរដ្ឋាភិបាលកម្ពុជា សម្តេច ហ៊ុន សែន បានទទួចឲ្យប្រជាពលរដ្ឋទាំងអស់ ចូលរួមថែរក្សាការពារ និងអភិរក្សប្រភេទពូជសត្វស្លាបដ៏កម្រនៅកម្ពុជាកុំឱ្យផុតពូជ។
ការលើកឡើងបែបនេះ ធ្វើនៅក្នុងបណ្តាញសង្គមផ្ទាល់របស់សម្ដេច នាព្រឹកថ្ងៃទី ០៩ ខែឧសភា ឆ្នាំ២០១៦ ។ នាពេលថ្មីៗនេះ មានការកើនឡើងកំដៅខ្លាំង និងមានគ្រោះរាំងស្ងួត ដែលជាហេតុធ្វើឱ្យប៉ះពាល់ដល់ជីវិតមនុស្ស សត្វពាហនៈ និងសត្វស្លាបមួយចំនួនអាចប្រឈមនឹងផុតពូជអស់ ។ ប្រមុខរដា្ឋភិបាលបានបន្តសរសេរនៅលើបណ្តាញសង្គមរបស់លោកថា ទោះជាមានភាពរាំងស្ងួតយ៉ាងណាក៏ មិនត្រូវសម្លាប់សត្វដែលកម្រឡើយ ព្រោះថាប្រភេទសត្វទាំងនោះអាចទាក់ទាញភ្ញៀវទេសចរណ៍បាន និងអាចបង្កើតមុខរបស់ដល់ពលរដ្ឋផងដែរ ។
