ភ្នំពេញ ៖ នៅព្រឹកថ្ងៃទី០៥ ខែឧសភា ឆ្នាំ២០១៦ នេះ សម្តេចនាយករដ្ឋមន្ត្រី ហ៊ុន សែន អញ្ជើញចូលរួមក្នុងពិធី បញ្ចុះខ័ណ្ឌសីមាព្រះវិហារ វត្តកែវមុនី ហៅវត្តថ្មី ស្ថិតនៅឃុំអង្គរបាន ស្រុកកងមាស ខេត្តកំពង់ចាម។ កម្មវិធីនេះនឹងចាប់ផ្តើមនៅម៉ោង 8:00 នាទីព្រឹកនេះ ។ នេះបើតាមការសរសេរនៅលើទំព័រហ្វេសប៊ុកផ្លូវការរបស់សម្តេចនាយករដ្ឋមន្ត្រី ។ សម្តេចនាយករដ្ឋមន្ត្រីសរសេរទៀតថា « សមិទ្ឋផលព្រះវិហារនេះ គឺបានរួមចំណែកយ៉ាងសំខាន់ក្នុងការបំរើផ្នែកព្រះពុទ្ធសាសនា ជាប្រយោជន៍សំខាន់សំរាប់ព្រះសង្ឃ និងប្រជាពុទ្ឋបរិស័ទទូទាំងខេត្តកំពង់ចាម»៕
