ភ្នំពេញ៖ ក្រសួងធនធានទឹកនិងឧតុនិយម បានចេញសេចក្តីជូនដំណឹងថា គិតចាប់ពីម៉ោង ៩ ព្រឹក រហូតដល់រសៀលថ្ងៃទី ៣០ ខែមេសា ឆ្នាំ ២០១៦ នេះ ភ្លៀងកំពុងធ្លាក់ពីមធ្យមទៅបង្គួរលាយឡំជាមួយខ្យល់នៅតាមតំបន់ជាច្រើននៃខេត្តបន្ទាយមានជ័យ ព្រះវិហារ សៀមរាប ឧត្តរមានជ័យ បាត់ដំបង ពោធិ៍សាត់ កោះកុង កំពង់ឆ្នាំង និងខេត្តកំពង់ចាម ។
ក្រសួងបានជូនដំណឹងទៀតថា ក្រៅពីខេត្តមួយចំនួនខាងលើនេះ ខេត្តដទៃទៀតនឹងអាចមានភ្លៀកធ្លាក់ជាបន្តបន្ទាប់ផងដែរ។
ក្រសួងធនធានទឹកនិងឧតុនិយម បានទទួចឲ្យប្រជាពលរដ្ឋបន្តបង្កើនការយកចិត្តទុកដាក់ ប្រុងប្រយ័ត្នខ្ពស់ចំពោះបាតុភូតផ្គរ រន្ទះ និងខ្យល់កន្ត្រាក់៕
