ភ្នំពេញ ៖ នៅទីផុតអង្គភាពប្រឆាំងអំពើពុករលួយACU សម្រេច ចោទប្រកាន់ និងឃុំខ្លួនជាផ្លួវការ មន្ត្រីសមាគមការពារសិទ្ធិមនុស្ស អាដហុក៤ រូប ករណីពុករលួយ នូវទឹកប្រាក់ (២០៤ដុល្លារ)ពាក់ព័ន្ធ កញ្ញាខុមចាន់តារាទីហៅស្រីមុំ។ លោកឱម យិនទៀង ប្រធានអង្គភាព ប្រឆាំងអំពើពុករលួយ បានបញ្ជាក់ដូចនេះ នៅក្នុងសន្និសីទសារព័ត៌មាន មួយនៅមុននេះបន្តិច។
លោក ឱម យិនទៀងបាន បញ្ជាក់ថា អ្វីដែលរកឃើញកំហុសនោះ គឺ លុយ ប្រគល់ឱ្យ កញ្ញា ស្រីមុំ ដោយមន្ត្រី Adhoc ទាំងនេះជាប់ពាក់ព័ន្ធ។
លោក ធន សារាយ ប្រធាន សមាគមការពារសិទ្ធិមនុស្ស អាដហុក បានប្រាប់សន្និសីទសារព័ត៌មានកាលពីថ្ងៃចន្ទទី២៥ មេសាថា លុយ២០៤ដុល្លារនេះពិតជា ស្ថាប័នរបស់លោក ឱ្យ ទៅ កញ្ញាស្រីមុំ មែន ប៉ុន្តែលោកថា ព្រោះកញ្ញា បានធ្វើពាក្យសុំត្រឹមត្រូវ ហើយម្យ៉ាងទៀត វាស្ថិត នៅក្នុងគម្រោងរបស់ សមាគមលោកជួយអ្នកក្រីក្រ។
សូមជម្រាបថា មេឃុំម្នាក់នៃ គណបក្ស ប្រឆាំង គឺលោក ស៊ាង ចែត ក៍ត្រូវបានឃុំនៅព្រៃស ករណីពាក់ព័ន្ធការយកលុយ ៥០០ដុល្លារ ទៅឱ្យ កញ្ញស្រីមុំ។
មន្ត្រីអាដហុកទាំង ៤រូបនេះ នឹងត្រូវនាំខ្លួនទៅកាន់តុលាការដើម្បី ចោទប្រកាន់ជាផ្លូវការនៅ ថ្ងៃនេះ។ ចំណែកលោកនី ចរិយា អតីត មន្ត្រីជាន់ ខ្ពស់ អាដហុក ហើយ បច្ចុប្បន្នជា អគ្គលេខាធិការរង គជប នៅមិនទាន់ដឹងថា លោករងបទចោទអ្វីនោះទេ ខណៈលោក កំពុងឃុំខ្លូន នៅACU ផងដែរ ៕
