ភ្នំពេញ ៖ ក្រោយបញ្ចប់ទស្សនៈកិច្ច មួយថ្ងៃនៅក្រុងតាខ្មៅ ខេត្តកណ្ដាល នៅថ្ងៃទី២៨ខែឧសភា ឆ្នាំ២០១៦រួចមក នៅថ្ងៃនេះលោក ទី ឡុង បានបញ្ជាក់ប្រាប់វិទ្យុស្ដ្រីFM102 ឱ្យដឹងថាដើម្បីឱ្យការអនុវត្តន៍ច្បាប់ចរាចរណ៍ មានប្រសិទ្ធិភាព និងកាន់តែល្អប្រសើរនោះ នៅដើមខែឧសភា ខាងមុខនេះ ប៉ូលីសនគរបាលចរាចរណ៍ និងធ្វើការត្រួតពិនិត្យរាល់ឯកសារផ្សេងៗ ពិសេសបច្ចេកទេស និងសុវត្តិភាពចរាចរណ៍។
លោក ទី ឡុង ថា៖« បា៎ទ យើងនឹងអនវុត្តតាមផែនការនេះ ដោយសារថា រាល់ឯកសារផ្សេងៗ ក្រសួង សាធារណការ លោក និងបំពេញបែបបទរួចរាល់ហើយ ចឹងពេលហ្នឹង គឺ កងកម្លាំងប៉ូលីស នគរបាល ចរាចរណ៍យើងខ្ញុំ និងធ្វើការត្រួតពិនិត្យទាំងអស់ឡើងវិញ ទាំងរាល់ឯកសារ ទាំងលក្ខណៈបច្ចេកទេសទាំងអស់ និយាយឱ្យចំ ទាំងសុវត្ថិភាពចរាចរណ៍ តែម្ដង»។
លោក ទី ឡុង បានប្រាប់បន្ដទៀតថា ការរឹតបន្តឹងការផាកពិន័យច្បាប់ចរាចរណ៍នេះ កងកម្លាំងនគរបាលចរាចរណ៍ និងផ្ដោតទៅលើការងារ៤ចំនុចសំខាន់ៗ។
ចង់ដឹងថា បួនចំនុចដែលមន្ដ្រីចរាចរណ៍និងចាប់ផ្ដើមរឹតបន្តឹងនោះមានអ្វីខ្លះជាបន្ដសូមអញ្ជើញស្ដាប់កិសម្ភាសន៍រវាងកញ្ញាជុំ ជោគ ជាតា អ្នកសារព័ត៌មានរបស់វិទ្យុស្ដ្រី FM102 ជាមួយលោក ទី ឡុង អនុប្រធាននាយកដ្ឋានសណ្ដាប់ធ្នាប់នៃក្រសួងមហាផ្ទៃ ដូចតទៅ៖
