ភ្នំពេញ ៖ ប្រធានផ្នែកសម្របសម្រួលអ្នកស្ម័គ្រចិត្តនៃអង្គកាលំនៅស្ថានមនុស្សជាតិកម្ពុជា លោក សៀង ហោពៅ បានប្រាប់វិទ្យុស្រី្តនៅល្ងាចថ្ងៃទី២៨ខែមេសា ឆ្នាំ២០១៦ ថា អង្គការរបស់លោកគ្រោងនឹងជួសជុលផ្ទះសម្បែងជូនប្រជាពលរដ្ឋ ដែលមានជីវភាពក្រីក្រ និងមនុស្សចាស់ជរា។
ប្រធានផ្នែករូបនេះ បានឱ្យដឹងទៀតថា អង្គការលំនៅស្ថានមនុស្សជាតិកម្ពុជា ទទួលបានជំនួយពីបរទេស រួមមាន សហរដ្ឋអាមេរិក អូស្ត្រាលី និងកាណាដាជាដើម។ លោកបានបន្តថា គោលបំណងដែលអង្គការលំនៅស្ថានមនុស្សជាតិកម្ពុជា គ្រោងសាងសង់ផ្ទះជួនពលរដ្ឋនេះ គឺដើម្បីលើកស្ទួយជីវភាពប្រជាពលរដ្ឋ ឲ្យរស់នៅបានសមរម្យ រួចផុតពីការលំបាកនានា ។ « យើងសាងសងផ្ទះជួនគាត់ទំហំ ៤ x ៦មែត្រ ហើយក្នុងហ្នឹងមានបង្គន់អនាម័យត្រឹមត្រូវជូនគាត់»។
អង្គការលំនៅស្ថានមនុស្សជាតិកម្ពុជា ក៏នឹងធ្វើការជួសជុលផ្ទះសម្បែង និងផ្លូវជូនពលរដ្ឋដែលកំពុងរស់នៅ ក្នុងភូមិត្រពាំងអញ្ចាញ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ នាថ្ងៃទី៣០ខែមេសា ឆ្នាំ២០១៦ខាងមុខនេះ ។
សូមជម្រាប់ថា កន្លងមក អង្គការលំនៅស្ថានមនុស្សជាតិកម្ពុជា បានជួយសាងសង់ និជួសជុលផ្ទះជូនប្រជាពលរដ្ឋក្រីក្រនៅកម្ពុជា ប្រមាណជាង ១៥០០០ គ្រួសារហើយ រហូតមកដល់ពេលនេះ ៕
