loader

​លោកស្រី​ ធីតា​ ឃឹះ​ ថា​ ACU​ មិន​ចោទ​អ្នកស្រី​ជាប់​ពាក់ព័ន្ធ​ករណី​កញ្ញា​ស្រី​មុំ​

ភ្នំពេញ​៖​ លោកស្រី​ ធីតា​ ឃឹះ​ នាយិការ​អង្គការ​សីល​កា​ដែល​ធ្វើ​ការងារ​ផ្នែក​ស្រី្ត​ បាន​ចាក​ចេញពី​អង្គភាព​ប្រឆាំង​អំពើ​ពុក​រលួយ​ ACU​ ហើយ​ ដោយ​ស្ថាប័ន​នេះ​មិន​បាន​ចោទ​ឬ​ឃាត់ខ្លួន​លោកស្រី​ ពាក់ព័ន្ធ​នឹង​កញ្ញា​ ខុ​ម​ ចាន់​តារា​ទី​ ហៅ​ ស្រី​មុំ​ ឆ្លើយ​ដាក់​ថា​ណែនាំ​ឱ្យ​ភូត​កុហក​អំពី​ខ្សែអាត់​សំឡេង​ស្នេហា​ ជាមួយ​គេ​បុរស​សង្ស័យ​ថា​ជា​លោក​ កឹ​ម​ សុខា​ នោះ​ទេ​ ។​

Thida-khus-text
លោកស្រី​ ធីតា​ ឃឹះ​ នាយិការ​អង្គការ​សីល​កា ផ្តល់ព័ត៌មានបទសម្ភាសន៍ឱ្យអ្នកសារព័ត៌មាន

តាម​អ្នករាយការណ៍​ព័ត៌មាន​នៃ​វិទ្យុ​ស្ត្រី​ លោកស្រី​ ធីតា​ ឃឹះ​ បាន​ចូលខ្លួន​ទៅ​ភ្លឺ​នៅ​ព្រឹក​ថ្ងៃ​ព្រហស្បតិ៍​នេះ​ នា​វេ​លា​ម៉ោង​ជិត​ ១០​ ព្រឹក​តាម​ការ​កោះហៅ​របស់​អង្គភាព​ប្រឆាំង​អំពើ​ពុក​រលួយ​ ករណី​កញ្ញា​ស្រី​មុំ​ឆ្លើយ​ដាក់​ ប៉ុន្តែ​កា​រ​សាកសួរ​នេះ​ បាន​បិទ​បញ្ចប់​នៅ​ម៉ោង​ ១២​ និង​ ៣០​នាទី​ ។​

​បើ​តាម​អ្នករាយការណ៍​ព័ត៌មាន​ លោកស្រី​ ធីតា​ ឃឹះ​ មិន​ត្រូវ​បាន​អង្គភាព​ប្រឆាំង​អំពើ​ពុក​រលួយ​កោះហៅ​ម្ដ​ង​ទៀ​ត​​​ទេ​ ព្រោះ​លោកស្រី​មិន​មាន​អ្វី​ដែល​ ACU​  សង្ស័យ​ថា​ជាប់​ពាក់​នឹង​ការ​ឆ្លើយ​ដាក់​របស់​កញ្ញា​ស្រី​មុំ​ ។​

​តាម​ប្រភព​ដដែល​នេះ​ មន្ត្រី​អង្គការ​អា​ដ​ហុ​ក​ចំនួន​ ០៤​ នាក់​ទៀត​ ក៏​បន្ត​ចូល​បំភ្លឺ​នៅ​ព្រឹក​នេះ​ទៀត​ បើ​ទោះជា​ពួក​គេ​​បាន​ចូល​បំភ្លឺ​កាលពី​ថ្ងៃ​ម្សិលមិញ​ក៏​ដោយ​ ។​

​ទោះជា​យ៉ាងណា​មន្ត្រី​សិទ្ធិ​មនុស្ស​ម្នាក់​ របស់​អង្គការសហប្រជាជាតិ​ ដែល​ត្រូវ​ អង្គភាព​ប្រឆាំង​អំពើ​ពុក​រលួយ​ ករណី​ស្រី​មុំ​ឆ្លើយ​ដាក់​ដែរ​នេះ​ នៅ​មិន​ទាន់​ចូលខ្លួន​មក​បំភ្លឺ​ដោយសារ​តែ​គេ​ត្រូវ​រង់ចាំ​លិខិត​មួយ​ពី​ក្រសួង​ការ​បរ​ទេស​​បញ្ជាក់​បន្ថែម​។​ នេះ​បើ​តាម​ប្រភព​ដដែល​នេះ​ ។​

​កាលពី​ថ្ងៃ​ទី​ ២៤​ មេ​សា​ មេឃុំ​ម្នាក់​របស់​គណបក្សប្រឆាំង​ ដែល​ត្រូវ​កញ្ញា​ ស្រី​មុំ​ ឆ្លើយ​ដាក់​ថា​ បាន​យក​ប្រាក់​ ៥០០​ ដុល្លារ​ ឱ្យ​នាង​ ហើយ​ថា​កុំឱ្យ​នាង​និយាយ​ការ​ពិត​ប្រាប់​សមត្ថកិច្ច​ ត្រូវ​បាន​អង្គភាព​ប្រឆាំង​អំពើ​ពុក​រលួយ​កោះ​ហៅ​មក​សាកសួរ​ ។​ បច្ចុប្បន្ន​ មេឃុំ​ម្នាក់​នោះ​ត្រូវ​បាន​នាំ​ទៅ​ឃុំខ្លួន​នៅ​ពន្ធនាគារ​ព្រៃ​ស​ ករណី​សូក​ប្រាក់​កញ្ញា​ ស្រី​មុំ​ កុំឱ្យ​ប្រាប់​សមត្ថកិច្ច​រឿង​ខ្សែអាត់​សំឡេង​ស្នេហា​ជាមួយ​បុរស​ម្នាក់​គេ​ថា​ គឺជា​លោក​ កឹ​ម​ សុខា​ ប្រធាន​ស្ដីទី​គណបក្ស​សង្គ្រោះ​ជាតិ​ ៕​

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x